الماتىدا Lexus كولىگىنىڭ جولاۋشىسى تەرەزەدەن بەلىنە دەيىن شىعىپ الىپ, قاتار كەلە جاتقان كولىكتى تەلەفونىنا تۇسىرگەن. جەرگىلىكتى پوليتسيا وكىلدەرى جول قوزعالىسى ەرەجەلەرىن ورەسكەل بۇزۋ فاكتىسى تىركەلگەن ۆيدەوعا قاتىستى تۇسىنىكتەمە بەردى, دەپ حابارلايدى Egemen.kz.
بولجام بويىنشا, جىگىت جەلىگە جۇكتەۋ ءۇشىن قىزىقتى ۆيدەو تۇسىرمەك بولىپ, ءوز ءومىرىن قاتەرگە تىككەن. ول تەرەزەدەن بەلىنە دەيىن شىعىپ, قاتار كەلە جاتقان كولىكتى تەلەفونىنا تۇسىرگەن.
الماتى قالالىق پوليتسياسى قۇقىق بۇزۋشى ازاماتقا قاتىستى قر اقبك-ءنىڭ 593-بابى 1-بولىگى جانە قر اقبك-ءنىڭ 593-بابى 2-بولىگى بويىنشا اكىمشىلىك حاتتامالار تولتىرىلعانىن جەتكىزدى.
جۇرگىزۋشى ءوز كىناسىن تولىقتاي مويىنداعان.
«سونىمەن قاتار ونىمەن الداعى ۋاقىتتا جول قوزعالىسى ەرەجەلەرىن بۇزۋدىڭ الدىن الۋ جونىندە زاڭگەرلىك ءتۇسىندىرۋ جۇمىستارى جۇرگىزىلدى», دەدى الماتى قالاسى پد ءباسپاسوز قىزمەتى.