بۇل كۇندەرى ءۇندىستاننىڭ نيۋ-دەلي قالاسىندا ءوتىپ جاتقان شاحماتتان ايەلدەر اراسىنداعى گران-پري ءتۋرنيرىنىڭ 8-تۋر ويىندارى ءوز مارەسىنە جەتتى.
جارىستىڭ كەزەكتى كۇنىندە كوپتىڭ نازارى جىلدام شاحماتتان الەمنىڭ ەكى دۇركىن چەمپيونى ءبيبىسارا اساۋباەۆا مەن ەلوردادا وتكەن ايەلدەر اراسىنداعى گران-ءپريدىڭ العاشقى كەزەڭىندە ءۇشىنشى ورىن العان قىتايلىق چجۋ تسزينەر اراسىنداعى باسەكەگە اۋدى. ويتكەنى 7-تۋردان كەيىن ەكى شاحماتشى تۋرنير كەستەسىندە العاشقى ەكى ورىندى ءبولىسىپ تۇرعان-دى. اسا تارتىستى وتكەن كەزدەسۋدە جەڭىمپاز انىقتالماي, ويىن تەڭ ەسەپپەن اياقتالدى.
وسىلايشا, 8-تۋر ويىندارىنان كەيىن ءبيبىسارا 5 ۇپايمەن جەكە-دارا كوش باستادى. ال قىتايلىق گروسسمەيستەر 4½ ۇپايمەن 2-ورىنعا ورنالاستى.