استانا. 2 شىلدە. ەۋرازيالىق ەكونوميكالىق وداق قۇرۋ تۋرالى شارتتى راتيفيكاتسيالاۋعا قاتىستى پارلامەنتتىك راسىمدەر تەك زاڭنامالىق دەڭگەيدە عانا ەمەس, زاڭعا تاۋەلدى اكتىلەر رەتىندە دە ماڭىزدى. «ەۋرازيالىق ەكونوميكالىق وداق: جاڭا ۇندەۋلەر مەن پەرسپەكتيۆالار» اتتى تاقىرىپتا ماسكەۋدە وتكەن ينتەگراتسيالىق كلۋب وتىرىسى بارىسىندا ەلىمىزدىڭ رەسەيدەگى توتەنشە جانە وكىلەتتى ەلشىسى مارات ءتاجين وسىلاي دەدى. بۇل تۋرالى «قازاقپارات» حابارلادى.
جيىن بارىسىندا مارات ءتاجين وداققا مۇشە مەملەكەتتەر ءوزارا ساۋدا ءوسىمىن قامتاماسىز ەتۋ, ينۆەستيتسيالىق ترەندتەردى ىنتالاندىرۋ ءۇشىن بىرلەسە كۇش جۇمساۋ قاجەت ەكەنىن اتاپ ءوتتى.
سونداي-اق, ينتەگراتسيالىق كلۋب وتىرىسىنا قاتىسۋشىلار جالپى مەديالىق كەڭىستىك قۇرۋ قاجەتتىگىن ءسوز ەتتى. ولاردىڭ پىكىرىنشە, ەۋرازيالىق ەكونوميكالىق وداققا مۇشە مەملەكەتتەردىڭ قاراپايىم ازاماتتارىنا اتالعان بىرلەستىكتىڭ اكەلەتىن پايداسى ناسيحاتتالۋى ءتيىس.
جولدىباي بازار.
دەرەككوز: «قازاقپارات».
فوتو: berlek-nkp.com.