ەنەرگەتيكا مينيسترلىگى بەكىتكەن مۇناي تاسىمالى كەستەسىنە سايكەس, «قازترانسويل» اق ءساۋىر ايىندا 100 مىڭ توننا مولشەرىندە قازاقستاندىق مۇنايدى «درۋجبا» مۇناي قۇبىرىمەن «اداموۆا زاستاۆا» مۇناي بەكەتى ارقىلى ءارى قاراي گەرمانياعا جەتكىزۋدى جوسپارلاپ وتىر, دەپ حابارلادى Egemen.kz كوپانيانىڭ رەسمي سايتىنا سىلتەمە جاساپ.
بيىل اقپان-ناۋرىز ايلارىندا «قازترانسويل» اق گەرمانياعا 40 مىڭ توننا مولشەرىندە قازاقستاندىق مۇناي جونەلتتى.
2022 جىلدىڭ جەلتوقسان ايىندا «قازترانسويل» اق 2023 جىلى 1,2 ملن توننا قازاقستاندىق مۇنايدى «ترانسنەفت» جاق ماگيسترالدى مۇناي قۇبىرىمەن «اداموۆا زاستاۆا» مۇناي بەكەتى ارقىلى گەرمانياعا جەتكىزۋگە ءوتىنىم بەرگەن بولاتىن.
مۇنايدىڭ بۇل ءترانزيتى قازاقستان مەن رەسەي ۇكىمەتى اراسىنداعى 2002 جىلعى 7 ماۋسىمداعى كەلىسىم شەڭبەرىندە جۇزەگە اسادى.