بۇل كۇندەرى ءۇندىستاننىڭ استاناسى – نيۋ-دەليدە شاحماتتان ايەلدەر اراسىنداعى فيدە گران-پري ءتۋرنيرى وتۋدە.
الەمنىڭ ءار قيىرىنان كەلگەن 10 ۇزدىك ويىنشىنىڭ قاتىسۋىمەن ءوتىپ جاتقان بايراقتى باسەكەنى ءبيبىسارا اساۋباەۆا ءساتتى باستاعان ەدى. العاشقى تۋردا ول جەرگىلىكتى سپورتشى رامەشبابۋ ۆايشاليدەن باسىم تۇسسە, كەلەسى كەزەڭدە گرۋزيالىق نينو ءباتسياشۆيليدى ۇتتى. وسى ەكى جەڭىسىنىڭ ارقاسىندا قازاق قىزى جارىس كەستەسىندە كوش باستادى. وكىنىشكە قاراي, ودان كەيىنگى كەزدەسۋىندە ءبيبىسارانىڭ جولى بولمادى. ءتورتىنشى تۋردا ول وسى تۋرنيردە ەڭ جوعارى رەيتينگكە يە رەسەي شاحماتشىسى الەكساندرا گورياچكيناعا ەسە جىبەردى. قارا فيگۋرامەن ويناعان اساۋباەۆا 70-ءشى جۇرىستە ءوزىنىڭ جەڭىلگەنىن مويىنداۋعا ءماجبۇر بولدى.
قازىرگى كەزدە رەسەيلىك پولينا شۋۆالوۆا مەن قىتايلىق چجۋ تسزينەر كوش باستاپ كەلەدى. ءتورت كەزدەسۋدەن كەيىن ولار 2,5 ۇپايدان جينادى. الەكساندرا گورياچكينا, ەكاتەرينا لاگنو جانە ءبيبىسارا اساۋباەۆا ءۇشىنشى جانە بەسىنشى ورىنداردى ءوزارا ءبولىسىپ تۇر. بۇل شاحماتشىلار ءۇش ويىننان وتكىزىپ, ەكى ۇپايدى قورجىنعا سالدى.