ساحنادا – «Solo»

اتالعان قويىلىمنىڭ فيلو­سوفيالىق نەگىزى, يدەيالىق ماز­مۇنى مەن رەجيسسەرلىك جۇمىسى «ALEM» زاماناۋي حورەوگرا­فيا بالەتىنىڭ كوركەمدىك جەتەك­شىسى باقىت ءتاجينوۆتىڭ باس­تاماسىمەن ىسكە اسىپ وتىر. ەكس­پەريمەنتتىك حورەوگرافيا ستي­لىندەگى بي نومىرلەرى زاماناۋي كومپوزيتورلاردىڭ مۋزىكاسىمەن سۇيەمەلدەنگەن. بالەت ارتىستەرى پلاستيكا, يكەمدىلىك, تونۋس جانە مۋزىكانى ەرەكشە سەزىنۋدى تالاپ ەتەتىن – «ىشتەي سەزىنۋ ارقىلى» بيلەي الاتىن بىرەگەي تەحنيكانى مەڭگەرگەنىن كەزەكتى رەت كورسەتتى. قويىلىم فيلارمونيانىڭ باسقا شىعارماشىلىق ۇجىمدارىنىڭ اسپاپشى-مۋزىكانتتارى مەن شاقىرىلعان بالەت ارتىستەرىنىڭ قاتىسۋىمەن ەرەكشە. سونىڭ ءبىرى – پەتروپاۆل قالاسىنان كەلگەن ەرەكشە قاجەتتىلىكتەرى بار ادامدارعا ارنالعان «Sensitive» بي تەاترىنىڭ ءسوليسى دانيال كان­گوجين. وسىنداي بىرلەسكەن قويىلىم ە.راحماديەۆ اتىنداعى ماف بالەت ارتىستەرى ءۇشىن ال­عاشقى ينكليۋزيۆتى تاجىريبە بول­عانىن دا ايتا كەتەيىك.

قويىلىمنىڭ قويۋشى-بالەت­مەيستەرلەرى – ۇلان يزەناەۆ پەن جاننا سەيىتوۆا, بالەت رەپە­تي­تورى – جانات سارسەمباەۆ. شا­قى­رىلعان قويۋشى-بالەتمەيس­تەرلەر – «Sensitive» بي تەاترىنىڭ باس بالەتمەيستەرى ولگا روس­توۆ­ششي­­كوۆا (پەتروپاۆل), ۇلتتىق ۇلا­نى ءان جانە بي ءانسامبلى­نىڭ كور­كەمدىك جەتەكشىسى جانە قويۋ­شى-حورەو­گرافى گۇل­ميرا راشەۆا (استانا).

استانادا وتكەن پرەمەرادان كەيىن پلاستيكالىق ديۆەرتيسمەنت قويىلىمى گاسترولدىك ساپارعا شىقپاق. ماسەلەن, 30 ناۋرىزدا ۇكىلى ىبىراي اتىنداعى اقمولا وب­لىستىق فيلارمونياسىنىڭ كونتسەرت زالىنىڭ ساحناسىندا «Solo» قويىلىمىن كوكشەتاۋلىق كورەرمەندەر حالقى تاماشالايدى. ال 31 ناۋ­رىزدا ونەرپازدار پەتروپاۆلدا اقان سەرى اتىنداعى سولتۇستىك قازاقستان وبلىستىق فيلارمونياسىندا ونەر كورسەتەدى.

«Alem» زاماناۋي حورەگرافيا بالەتىنىڭ قۇرامىندا كۇردەلى حورەوگرافيالىق تاپسىرمالاردى ورىنداي الاتىن كاسىبي بيشىلەر جۇمىس ىستەيدى. ولاردىڭ شەبەرلىگى اكتەرلىك دارىندىلىقپەن, ورىنداۋ مانەرلىلىگىمەن تولىققان. ارتىستەر ءوز كونتسەرتتەرىندە حورەو­گرافيالىق ونەردىڭ بايلىعى مەن سۇلۋلىعىن كورسەتە وتىرىپ, كلاسسيكادان مودەرنگە دەيىنگى سان الۋا­ن بي ستيلدەرىن مەڭگەرگەن.