سارسەنباەۆ عاپپار امانتاي ۇلى تۇركىستان قالالىق ءماسليحاتىنىڭ توراعاسى بولىپ سايلاندى, دەپ حابارلايدى Egemen.kz.
بۇگىن VIII شاقىرىلىمداعى تۇركىستان قالالىق ءماسليحاتىنىڭ ءبىرىنشى سەسسياسىنىڭ وتىرىسى ءوتتى. كۇن تارتىبىنە سەگىزىنشى شاقىرىلىمداعى تۇركىستان قالالىق ءماسليحاتىن قۇرۋ, سەگىزىنشى شاقىرىلىمداعى تۇركىستان قالالىق ءماسليحاتىنىڭ توراعاسىن سايلاۋ, سەگىزىنشى شاقىرىلىمداعى تۇركىستان قالالىق ءماسليحاتىنىڭ تۇراقتى كوميسسيالارىن قۇرۋ جانە توراعالارىن سايلاۋ, تۇركىستان قالالىق ءماسليحاتىندا دەپۋتاتتىق فراكتسيانى تىركەۋ ماسەلەلەرى قويىلدى.
«Amanat» پارتياسىنىڭ تۇركىستان قالالىق فيليالى ساياسي كەڭەس بيۋروسىنىڭ شەشىمىنىڭ نەگىزىندە بەرىلگەن ۇسىنىس بويىنشا اشىق داۋىسقا سالۋ ارقىلى سارسەنباەۆ عاپپار امانتاي ۇلى ءماسليحات توراعاسى بولىپ سايلاندى.
سونداي-اق سەسسيادا ەكونوميكالىق بيۋدجەت الەۋمەتتىك دامۋ, ونەركاسىپ, جانە كاسىپكەرلىك; اكىمشىلىك اۋماقتىق ورنالاستىرۋ, قۇرىلىس جانە كوممۋنالدىك قىزمەت, دەپۋتاتتىق وكىلدىك جانە ەتيكا; الەۋمەتتىك قورعاۋ, دەنساۋلىق ساقتاۋ, ءبىلىم, عىلىم, مادەنيەت, جاستار ءىسى, تۋريزم جانە سپورت; تابيعاتتى قورعاۋ, ەكولوگيالىق ماسەلەلەر, قۇقىق بۇزۋشىلىقتىڭ الدىن الۋ مەن قوعامدىق قاۋىپسىزدىكتى قامتاماسىز ەتۋ جونىندەگى تۇراقتى كوميسسيالاردىڭ قۇرامى بەكىتىلدى.