اقمولا وبلىسىنىڭ زەرەندى اۋدانىندا يگىلىك – جامانتۇز تاسجولىنىڭ ءبىر بولىگى وپىرىلىپ, اۋىل تۇرعىندارىنىڭ قاتىناسى ۋاقىتشا شەكتەلدى, دەپ حابارلايدى Egemen.kz.
تۇرعىنداردىڭ ايتۋىنشا, جول كەشە ولاردىڭ كوز الدىندا وپىرىلىپ تۇسكەن. سول ساتتە ادامدار كوكشەتاۋدان قايتىپ كەلە جاتقان. جول جامىلعىسى بۇزىلا باستاعانىن بايقاپ, كولىكتەر دەر كەزىندە توقتاپ ۇلگەرگەن. سونىڭ ارقاسىندا قايعىلى جاعدايدىڭ الدىن الۋ مۇمكىن بولدى.
«نە بولۋى مۇمكىن ەكەنىن ەلەستەتۋدىڭ ءوزى قورقىنىشتى. بۇل جول وتكەن جىلدىڭ قازان ايىندا عانا جوندەلگەن ەدى, بىراق قازىردىڭ وزىندە وپىرىلىپ ءتۇستى. جۇمىستار ساپاسىز جۇرگىزىلگەن دەپ ەسەپتەيمىز», دەيدى اۋىل تۇرعىندارى.
زەرەندى اۋداندىق اكىمدىگىنىڭ مالىمەتىنشە, قازىرگى ۋاقىتتا قاناي بي اۋىلى ارقىلى وتەتىن بالاما جول بار.
ەلىمىزدە جول قۇرىلىسىنا بولىنگەن بيۋدجەت تالان-تاراجعا تۇسكەن
«جول شايىلعان اۋماقتا بلوك-بەكەتتەر قويىلدى. سۋ دەڭگەيى تومەندەگەننەن كەيىن قالپىنا كەلتىرۋ جۇمىستارى جۇرگىزىلەدى. ەلدى مەكەندى سۋ باسۋ قاۋپى جوق. جاعداي جەرگىلىكتى اتقارۋشى ورگانداردىڭ تۇراقتى باقىلاۋىندا», دەپ حابارلادى اكىمدىك.