اقش-تىڭ مايامي قالاسىندا ءوتىپ جاتقان WTA 1000 تۋرنيرىندە قازاقستاندىق تەننيسشى ەلەنا رىباكينا جارتىلاي فينالعا جولداما الدى.
شيرەك فينالدا ول يتاليالىق مارتينا ترەۆيزيانمەن شەبەرلىك بايقاستى. بۇل كۇندەرى الەمدىك رەيتينگتە 24-ورىندا تۇرعان 29 جاستاعى فلورەنتسيا تۋماسىنىڭ ەڭ زور تابىسى – بىلتىر رولان گارروستىڭ جارتىلاي فينالىنا دەيىن جەتۋى. ودان باسقا باعىندىرعان پالەندەي بەلەستەرى جوق. سوعان قاراماستان ماياميدە ول جاپونيالىق ناو حيبينو, امەريكالىق كلەي ليۋ جانە ەستونيالىق ەلەنا وستاپەنكونى جەڭىپ, ءوزىنىڭ مىقتىلىعىن دالەلدەدى. دەسەك تە بۇل مەجەدە ترەۆەزيان رىباكيناعا لايىقتى قارسىلىق كورسەتە المادى. اپەننين تۇبەگى وكىلىن 6:3, 6:0 ەسەبىمەن ويسىراتا ۇتقان جەرلەسىمىز جارتىلاي فينالعا شىقتى.
ءسويتىپ, WTA تۋرنيرلەرىندە قاتارىنان 12 رەت جەڭىسكە جەتكەن ەلەنا رىباكينا ءوزىنىڭ رەكوردىن جاڭارتتى. ەندى ول جارتىلاي فينالدا امەريكالىق دجەسسيكا پەگۋلامەن كۇش سىناسادى.