قازاقستاننىڭ ساۋد ارابياسىنداعى ەلشىسى بەرىك ارىن «Saudi EXIM» ساۋد ەكسپورتتىق-يمپورتتىق بانكىنىڭ باس ديرەكتورى سااد ءال-حالبپەن كەزدەستى, دەپ حابارلايدى Egemen.kz.
كەزدەسۋ بارىسىندا قازاقستاندىق ديپلومات قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى اتىنان «Saudi EXIM» باسشىسىن 2023 جىلعى 8-9 ماۋسىمدا وتكىزۋى جوسپارلانعان استانا حالىقارالىق فورۋمىنا قاتىسۋعا شاقىردى.
سونىمەن قاتار تاراپتار ساۋدا-ەكونوميكالىق جانە ينۆەستيتسيالىق سالالارداعى ەكىجاقتى ىنتىماقتاستىقتى كەڭەيتۋ ماسەلەلەرىن تالقىلادى. اتاپ ايتقاندا, ولار ەكسپورتتىق-يمپورتتىق ساقتاندىرۋ جانە بىرلەسكەن جوبالاردى قارجىلاندىرۋ سالاسىندا ەكى ەلدىڭ بيزنەس-قوعامداستىقتارى ءۇشىن جاعداي جاساۋ ارقىلى تاۋار اينالىمى كولەمىن ۇلعايتۋدىڭ ماڭىزدىلىعىن اتاپ ءوتتى.
تاراپتار ەكى مەملەكەتتىڭ قارجى ينستيتۋتتارى اراسىنداعى ىنتىماقتاستىقتى ورناتۋعا ەرەكشە نازار اۋداردى. قازاق تاراپى «استانا» حالىقارالىق قارجى ورتالىعىنىڭ قىزمەتى تۋرالى حاباردار ەتىپ, «Saudi EXIM» بانكى وكىلدەرىن احقو الاڭىن وڭىرلىك بيزنەس جانە قارجى ورتالىعى رەتىندە پايدالانۋعا شاقىردى.