استانالىق الياۋددين لاتكەن مەن توميريس ايمانبەتوۆا ماسكەۋدە وتكەن «سپورتتىق بي تاريحى» بويىنشا رەسەي بي وداعىنىڭ اشىق كۋبوگىندا ءبىرىنشى ورىن الدى. بالالار بي جۇبى «يۋۆەنالى-2» جانە «لاتينا» نوميناتسيالارى بويىنشا سىنعا ءتۇستى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
جەكە باپكەرىنىڭ ايتۋىنشا اتالمىش جارىس اعارتۋشىلىق جانە تاربيەلىك ماڭىزى زور سپورتتىق ءىس-شارا اياسىندا ءوتتى.
«بيشىلەردى ءساتتى دەبيۋتىمەن قۇتتىقتايمىن. بۇل جۇپ ەكى سانات بويىنشا سايىسقا ءتۇسىپ جەڭىس تۇعىرىنان كورىندى. قازىرگى تاڭدا بالالار استانا قالاسىنداعى ەكى بي كلۋبىن, ياعني «Bravos» جانە «اموre Vita» ۇسىنىپ ءجۇر. تۋرنير بارىسىندا بي اڭىزدارى, كورنەكتى بيشىلەر مەن وسى سپورت ءتۇرىنىڭ قايراتكەرلەرى تۋرالى ايتىلدى. الداعى جوسپارىمىز — وسى جىلدىڭ ءساۋىر ايىندا بلەكپۋل (لوندون, انگليا) تۋرنيرىنە قاتىسىپ, جۇلدەلى ورىندارعا يە بولۋ», دەيدى بالالار بي جۇبىنىڭ جاتتىقتىرۋشىسى پولسكيح ۆلاديسلاۆ.
ايتا كەتەيىك, توميريس - قازاقستاننىڭ بىرنەشە دۇركىن چەمپيونى. ال الياۋددين - الەم, ەۋروپا جانە ازيا چەمپيوناتتارىنىڭ بىرنەشە دۇركىن جۇلدەگەرى مەن ءفيناليسى.