شارىن مەملەكەتتىك ۇلتتىق تابيعي پاركىندە ورناتىلعان فوتوتۇزاققا قازاقستاننىڭ قىزىل كىتابىنا ەنگەن سابانشى مىسىق ءىلىندى, دەپ حابارلايدى Egemen.kz.
ساراپشىلاردىڭ ايتۋىنشا, مانۋل (Otocolobus manul, Felis manul) سيرەك كەزدەسەتىن مىسىق تۇقىمداسىنىڭ وكىلى رەتىندە قازاقستاننىڭ قىزىل كىتابىنا ەنگىزىلگەن. بۇل جانۋار سىرتقى ءتۇرى بويىنشا ءۇي مىسىعىنا ۇقسايدى. الايدا, ول ودان قالىڭ جانە ۇزىن جۇنىمەن, قىسقا ءماسسيۆتى دەنەسىمەن, كىشكەنتاي اياقتارىمەن جانە قۇيرىعىمەن ەرەكشەلەنەدى.
سابانشىلار نەگىزىنەن تۇنگى ۋاقىتتا كەمىرگىشتەر مەن قۇستاردى اۋلايدى.
ەسكە سالا كەتسەك, قازاقستاندا قىزىل كىتاپقا ەنگەن جابايى دالا مىسىقتارىن اۋلاۋعا قاتاڭ تىيىم سالىنادى.