شاقالاقتار شاپان كيىپ شىقتى

ادەتتەگىدەي ءاز ناۋرىزعا ايا­گوز اۋداندىق اۋرۋحاناسى ەرەكشە دايىندالادى. ءار بو­لىمدە ناۋرىز كوجە ساپىرىلىپ, اق داستارقان جايىلادى. مەديتسينا قىزمەتكەرلەرى ءبىر-بىرىنە قۇتتى بولسىن ايتىسىپ, اقجارما تىلەكتەرىن ارنايدى. كۇي كۇمبىرلەيدى, ءان شىرقالادى. بيىل بارىنەن بۇ­رىن كوپشىلىكتىڭ نازارى ۇلتتىق كيىم كيگىزىلىپ, پەرزەنتحانادان شىعارىلعان نارەستەلەرگە اۋدى.

– اۋرۋحانامىزدىڭ پەرزەنتاحاناسىندا قازاقي ويۋ-ور­نەكتەرمەن, شاڭىراقپەن بە­زەن­دىرىلگەن بوسانۋ بولمەسى اشىل­­دى. ءتول مەرەكەمىزگە جىلدا اسا جاۋاپكەرشىلىكپەن, جوعارى كو­ڭىل كۇيمەن دايىندالامىز. اۋرۋ­حانانىڭ ءار ءبولىمى ناۋرىز مەرەكەسىندە بار ونەرىن ور­تاعا سالادى. سونىڭ ىشىندە كوپ­شىلىكتىڭ كوزىنە تۇسكەن پەرزەنتحانا ءبولىمى ەدى. نارەستەلەرگە ۇلتتىق كيىم كيگىزىپ, ۇيلەرىنە شىعارىپ سالىپ جاتقانى كوزگە قانداي جىلى كورىنەدى؟! جىل باسى ءار وتباسىنا وسىنداي قۋانىش سىيلاسىن! – دەيدى اۋرۋحانانىڭ باس دارىگەرى شالقار وماروۆ.

ايتا كەتسەك, ۇلىستىڭ ۇلى كۇنى قارساڭىندا پەرزەنتحانادان ۇلتتىق كيىممەن 11 بالا شى­عارىلدى. ولاردىڭ التاۋى قىز, بەسەۋى ۇل. سونىمەن قاتار ايدىڭ با­سىندا تۋعان ەگىزدەر دە ويۋلى كيىم كيىپ, ۇي­لەرىنە شىعارىلدى. ولارعا وسى ۋاقىتقا دەيىن قاجەتتى نەوناتولوگيالىق كومەكتەر كور­سەتىلدى. دارىگەرلەردىڭ ايتۋىنشا, تۋعان كەزدە ەگىزدەردىڭ سالماعى 1 200, 1 300 گرامم عانا بولعان ەكەن. قازىر بارلىعى قالىپتى دەسەدى.

سونداي-اق اياگوز پەرزەنت­­حاناسىنان ءتورتىنشى رەت انا اتانعان تارباعاتاي اۋدانى اق­جار اۋىلىنىڭ تۇر­عى­نى اقمارال زاكاريا دا نا­رەس­تە­سىمەن سالتاناتتى تۇر­دە شى­­­عارىلدى. ونىڭ اي­تۋىن­شا, كۇتپەگەن توسىن­سىي جا­ساعان اۋرۋحانا قىزمەت­كەر­لە­رىنىڭ يدەياسى وتە كرەا­تيۆتى. «پەرزەنتحانادان شى­عۋعا دايىندالىپ جاتقا­نى­مىز­دا نارەستەگە ۇلتتىق كيىم سىيعا تارتتى. وتە قۋانىش­تى­مىز. ناۋرىز ءار شاڭى­راق­­قا جاق­سىلىق اكەلسىن. ن­ارەس­­تەلە­رىمىزدىڭ عۇمىرى ۇزاق بول­سىن!» دەيدى اقمارال.

ءيا, اياگوزدىڭ پەرزەنتحانا­سىنداعى جىلى كورىنىسكە كوپشىلىكتىڭ تاڭداي قاعا قارا­عانى راس. ۇلىستىڭ ۇلى كۇنى تۋعان نارەستەلەر ۇلت ءۇشىن ەڭ­بەك قىلاتىن ازامات بولىپ ءوسسىن دەيمىز.

اباي وبلىسى,

اياگوز اۋدانى