قازاقستاننىڭ ۇزدىك تەننيسشىسى ەلەنا رىباكينا الەمنىڭ 29-شى راكەتكاسى پاۋلا بادوساعا قارسى كەزدەسۋ وتكىزدى, دەپ حابارلايدى Egemen.kz Prosports.kz-كە سىلتەمە جاساپ.
ماياميدەگى ءىرى ءتۋرنيردىڭ 1/16 فينالىندا WTA رەيتينگىندە جەتىنشى ورىندا تۇرعان رىباكينا كۇتپەگەن جەردەن ءبىرىنشى سەتتە جەڭىلىپ قالدى (3:6), ەكىنشى كەزەڭدى دە قارسىلاسقا بەرۋگە جاقىن بولدى, بىراق ەلەنا كەرى برەيك جاساپ, سەتتى ءوز پايداسىنا اياقتادى ( 7:5).
شەشۋشى سەتتە ەلەنا 6:3 ەسەبىمەن جەڭدى. ماتچ 2 ساعات 33 مينۋتقا سوزىلدى.
كەلەسى اينالىمدا رىباكينا پەترا مارتيچ (41) - ەليزا مەرتەنس (39) جۇبىنىڭ جەڭىمپازىمەن وينايدى.
ەسكە سالايىق, ماياميدەگى تۋردىڭ الدىندا ەلەنا رىباكينا ينديان-ۋەللستەگى تاعى ءبىر ماستەرس تۋرنيرىندە فينالدا بەلارۋس وكىلى ارينا سوبولەنكونى ۇتىپ (7:6, 6:4), باس جۇلدەنى جەڭىپ العان بولاتىن.