«قازگيدرومەت» رمك 25-31 ناۋرىز ارالىعىنا اپتا سايىنعى گيدرولوگيالىق بولجام جاسادى, دەپ حابارلايدى Egemen.kz.
«قازگيدرومەت» رمك 2023 جىلعى 16-23 ناۋرىز ارالىعىندا ەسەپتەگەن قارمەن جابىلعان قازاقستان اۋماعىنىڭ اۋدانى NASA سپۋتنيكتەرىنىڭ سۋرەتتەرىنىڭ دەرەكتەرى بويىنشا 39% - دان 34% - عا دەيىن ازايدى.
2023 جىلعى 25-31 ناۋرىزعا ارنالعان اپتالىق سينوپتيكالىق اۋا رايى بولجامىنا سايكەس قازاقستاننىڭ باتىسىندا جاڭبىر بولجانۋدا, رەسپۋبليكانىڭ سولتۇستىك جارتىسىندا, ەلدىڭ ورتالىعىندا جانە شىعىسىندا, وسى كەزەڭنىڭ ورتاسىنان باستاپ تۇندە جاۋىن-شاشىن (جاڭبىر, قار), كۇندىز جاڭبىر بولجانادى. وسىعان بايلانىستى, جوعارىدا اتالعان وڭىرلەردە قاردىڭ ەرۋى جانە ەرىگەن قار اعىنىنىڭ قالىپتاسۋى كۇتىلەدى.
قازاقستاننىڭ باتىسىندا كورسەتىلگەن كەزەڭنىڭ باسىم بولىگىندە تۇنگى تەمپەراتۋرا +2+10°س شەگىندە ساقتالادى, كۇندىز تەمپەراتۋرالىق فون +12+20°س, اتىراۋ وبلىسىندا +17+25°س, ناۋرىزدىڭ سوڭعى كۇندەرىندە اۋا تەمپەراتۋراسىنىڭ شامالى تومەندەۋى بولجانادى. ەلدىڭ سولتۇستىك جارتىسىندا, رەسپۋبليكانىڭ ورتالىعى مەن شىعىسىندا الداعى اپتادا تۇنگى جانە كۇندىزگى اۋا تەمپەراتۋراسىنىڭ كوتەرىلۋى كۇتىلەدى.