مەملەكەتتەر باسشىلارى ءبىر-ءبىرىن قاسيەتتى رامازان ايىنىڭ باستالۋىمەن قۇتتىقتاپ, قازاقستان مەن قاتار حالىقتارىنا باق-بەرەكە تىلەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اڭگىمەلەسۋ بارىسىندا ساۋدا-ەكونوميكالىق, ينۆەستيتسيالىق جانە گۋمانيتارلىق سالالارداعى ەكىجاقتى ىنتىماقتاستىقتى ودان ءارى نىعايتۋ پەرسپەكتيۆالارى تالقىلاندى. سونداي-اق قاتار ءامىرىنىڭ بىلتىر قازان ايىندا استاناعا جاساعان مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ءتيىمدى جۇزەگە اسىرۋ ماسەلەسىنە ەرەكشە نازار اۋدارىلدى.تاراپتار ەكى ەل اراسىنداعى ءوزارا ساۋدا-ساتتىق قارقىنىن ساقتاۋعا جانە قارجى سالاسىنداعى ينۆەستيتسيالىق جوبالاردى ىسكە اسىرۋعا نيەتتى ەكەنىن راستادى.