كۋرورتتى ايماققا بارۋ جەڭىلدەيدى: ەندى استانالىقتاردى الاكولگە «تالگو» اپارادى

جالپى, شىعىس قازاقستان وبلى­سىندا تۋريستىك سالانى دامى­تۋدىڭ جوعارى الەۋەتى بار. بۇل ايماق تابيعاتتىڭ ەرەكشە سۇلۋ­لىعىمەن تۋريستەردى وزىنە تار­تا الاتىنى بەلگىلى. سونداي-اق ءتۋ­ريزمنىڭ بارلىق ءتۇرىن دامىتۋعا مۇم­كىندىك بەرەتىن لاندشافتتىڭ كەز كەلگەن ءتۇرىن كەزىكتىرە الاسىز. ارينە, ولاردىڭ ىشىندە الاكول كۋرورتتى ايماعىنىڭ ءجونى بولەك.

جوعارىدا اتاپ وتكەنىمىزدەي, بىل­تىر الاكولگە كەلۋشىلەردىڭ سا­نى 200 مىڭنان اسقان بولسا,­ بيىل بۇل كورسەتكىش ايتار­لىق­تاي ارتۋى مۇمكىن. سەبەبى, بيىل­ الاكول كولىنە اپاراتىن بىل­تىر­عى پويىز جولىنىڭ بارلىق باعى­تى ساقتالادى. سونىمەن قاتار الاكولگە العاش ­رەت «استانا – دوستىق» باعىتى بويىن­شا­ «تالگو» پويىزىن قوسۋ جوس­پارلانىپ وتىر. بۇل تۋرالى جۋىر­دا «اتامەكەن» ۇكپ الاڭىندا وتكەن جازعى ماۋ­سىم­دا جولاۋشىلار تاسىمالىن قام­تاماسىز ەتۋ ماسەلەلەرى جونىندەگى كە­ڭە­سىندە ايتىلدى. جيىنعا «قازاق­ستان تەمىر جولى» ۇك» اق, «جولاۋشىلار تاسىمالى» اق جانە تۋريستىك فيرمالار مەن سالا­لىق قاۋىمداستىقتار اراسى­نان­ جۇمىس توبىنىڭ وكىلدەرى قا­تىس­تى.

– 2023 جىلى الاكول باعى­تىن­دا استانا, الماتى, شىعىس قازاق­ستان جانە اباي وبلىس­تارىنان 11 مارشرۋت بويىنشا­ ءجۇرۋ جالعاسىن تابادى. تۋريس­تەر­گە ىڭعايلى بولۋ ءۇشىن العاش رەت­ «استانا-دوستىق» باعىتى بويىن­شا «تالگو» پويىزى ىسكە قوسى­لادى. تۋريستىك بيزنەس وكىل­دەرى استانادان الاكول كولىنە دەيىنگى ۆاگوندارعا قاجەتتىلىك بارىن ايتىپ, «تالگو» فورماتىنداعى جۇردەك پويىزدى ۇيىم­داستىرۋدى سۇرادى. وتكەن جىلى بارلىعى كولگە قاراي 11 باعىت ۇيىمداستىردىق. سونىڭ ىشىندە 3 باعىت استانادان, 5 باعىت­ الماتىدان, 2 باعىت شقو مەن­ اباي وبلىسىنان بولدى, دە­دى­ «جولاۋشىلار تاسىمالى»­ اق باس ديرەكتورى جانىبەك تايجانوۆ.

بىلتىر الاكول جاعالاۋىنا تەمىرجول كولىگىمەن 243 مىڭ جولاۋ­شى جەتكىزىلگەن. ەلىمىز بو­يىن­شا ەڭ كوپ سۇرانىس ەلىمىزدىڭ وڭ­تۇستىك ايماعىنان تۇسكەن. اتاپ ايتقاندا, 2022 جىلى وڭتۇستىكتەن الاكولگە 118 مىڭ ادام بارعان. سولتۇستىك ايماقتان 72 مىڭ جولاۋ­شى تاسىمالدانسا, شقو-دان – 52 مىڭ. 2023 جىلى جولاۋ­شىلار ورىندارىنىڭ سانىن 6%, ياعني 276 مىڭعا دەيىن ۇلعايتۋ جوس­پارلانعان. بۇل – وتكەن جىل­مەن­ سالىستىرعاندا 6%-عا نەمەسە 16 مىڭ ورىنعا ارتىق كورسەتكىش.

سونىمەن قاتار تۋروپەراتورلار ءۇشىن تۋريستەردى تاسىمالداۋ­دى قامتاماسىز ەتۋ ماقساتىندا پويىز جونەلتىلگەنگە دەيىن 180 تاۋلىكتەن باستاپ كوممەرتسيالىق پويىزدارعا بيلەتتەردى ەرتە برونداۋ ءتارتىبى قولدانىلا باس­تايدى.

«اتامەكەن» ۇكپ باسقارما توراعاسىنىڭ ءبىرىنشى ورىنبا­سا­رى ماقسات قيقىموۆ 2022 جىلى بىرقاتار ماسەلە شەشىل­گە­­نىنە قاراماستان, بيزنەس­تە ءالى دە پروبلە­مالار بار ەكەنىن اتاپ ءوتتى. نەگىزىنەن تۋريستىك نا­رىق­ ۆاگونداردىڭ ساپاسى,­ اۋا باپ­تا­عىش­ جۇيەسىمەن جاب­دىق­تاۋدىڭ بول­ماۋىنا قاتىستى شا­عىم ايت­قان. جولاۋشىلار پويىز­دارى بو­يىنشا ۆاگون پاركىن جا­ڭارتۋ, تۋريستىك كلاستاعى پويىز­داردى قالىپتاستىرۋعا قاجەت­تى­لىك­ بار.

«الاكولدىڭ شىعىس جاعا­لا­ۋىنا دەيىنگى اۆتوجولدار ءالى دە جوندەلىپ جاتىر. اۋە بيلەت­تەرىنىڭ جوعارى باعا ساياساتىن جانە اۋە رەيستەرىنىڭ شەكتەۋلى سانىن ەسكەرسەك, تۋريستەر ءۇشىن ەڭ وڭتايلى قوزعالىس ءتاسىلى – تەمىر­جول قاتىناسى بولىپ قالا بەرەدى. كولىكتىڭ بۇل تۇرىنە سۇرا­نىستىڭ ارتۋىنا بايلانىستى جىل­دان جىلعا باعىتتار سانىن كوبەي­تۋدى قاجەت ەتەدى», دەدى ماقسات قيقىموۆ.

قازاقستان تۋريزم ين­دۋس­ترياسى قاۋىمداستىعىنىڭ ءتور­­ايىمى مۋنيرام احمەتوۆا تۋر­­بيزنەس اتىنان «قتج» ۇك» اق تاراپىنان شەشۋدى تالاپ ەتەتىن بىرقاتار ماسەلەنى ۇسىندى.

«الاكول كولىنە جولاۋ­شى­­لار­دى تاسىمالداۋدى قام­تاما­سىز ەتۋدى جاقسارتۋ جو­نىن­­­دەگى ماسەلەلەردىڭ ىشىندە مى­نا­لاردى ەرەكشە اتاپ وتكىم كەلەدى: پويىز قوزعالىسىنىڭ كەستەسىن وڭتايلاندىرۋ, ەسكى ۆاگونداردى جاقسارتۋ, اۋىس­تى­رۋ­ جانە كونديتسيونەرلەرمەن جاب­دىقتاۋ جونىندەگى جۇمىستى جال­عاستىرۋ, شىمكەنت جانە پاۆلودار قالالارىنان الاكولگە, ستان­ساعا نەمەسە كەنتتەرگە رەيستەردى جال­عاستىرۋ, بيلەت ساتۋ بويىنشا كاس­سا ۇيىمداستىرۋ», دەپ اتاپ ءوتتى مۋنيرام احمەتوۆا.

تۋريزم دەپارتامەنتىنىڭ باسقارۋشى ديرەكتورى داميليا قۇنانوۆا وتكەن جىلى تۋروپە­را­تورلار ءۇشىن ەرتە برونداۋ قاعي­دا­لارىن بەكىتۋ بويىنشا جۇمىس تاجىريبەسىن ەسكەرە وتىرىپ, ينتەرمودالدى تاسىمالداۋدى دامىتۋ جونىندەگى جۇمىس توبىن قۇرۋدى ۇسىندى.

بۇل ۇسىنىستى «جولاۋشىلار تاسى­­مالى» اق قولداپ, ال­داعى ۋا­قىتتا شىمكەنت, پاۆ­لودار, وسكە­مەن, قىزىلوردا قالا­لارى­نان­­ جەر­گىلىكتى اكىمدىكتەر, اۆيا جا­نە­ اۆتو­بۋس ۇيىمدارىمەن بىر­لە­­­سىپ ينتەرمودالدىق تاسىمالدار­دى قالىپتاستىرۋ جونىندەگى جوبالار قارالاتىنىن حابارلادى.

سونىمەن قاتار جانىبەك تاي­جا­نوۆ «جولاۋشىلار تاسىمالى»­ اق اكىمدىكتەرمەن, اۋە كومپا­­نيالارىمەن جانە اۆتوتاسى­مال­داۋشىلارمەن بىرلەسىپ شىم­كەنت, پاۆلودار, وسكەمەن, قىزىل­وردا قالالارىنان الاكول باعى­تىن­دا ينتەرمودالدى تاسى­مال­­داۋدى (كولىكتىڭ ەكى نەمەسە ودان­ دا كوپ تۇرىمەن تاسىمالداۋ) قالىپتاستىرۋ ماسەلەسىن قاراي­تى­نىن اتاپ ءوتتى.

جيىندى قورىتىندىلاي كەلە, «جولاۋشىلار تاسىمالى» اق باس­ ديرەكتورى تۋريستەردى تاسىمال­داۋ­دى قامتاماسىز ەتۋ بويىنشا­ بىر­لەسكەن جۇمىسقا بەلسەندى قاتىس­قانى ءۇشىن قاتىسۋشىلارعا العى­سىن ءبىلدىردى, سونداي-اق بار­لىق ايتىلعان ماسەلە مەن ۇسى­نىستار كومپانيانىڭ باقى­لا­ۋىن­دا بولاتىنىنا سەندىردى.