قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىندا كورەيا رەسپۋبليكاسىنداعى جانە جاپونياداعى قازاقستان رەسپۋبليكاسىنىڭ ازاماتتارى العاشقىلاردىڭ قاتارىندا وزدەرىنىڭ كونستيتۋتسيالىق داۋىس بەرۋ قۇقىعىن پايدالاندى, دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
سەۋلدەگى سايلاۋعا ءبىرىنشى بولىپ داۋىس بەرگەن قازاقستاندىق كۋرسانت ەلنۇر اسانوۆ بولدى.
«بۇل سايلاۋ ەلىمىزدىڭ ەكونوميكالىق دامۋى ءۇشىن جاڭا مۇمكىندىكتەر اشادى دەپ كۇتەمىن. ترانسفورماتسيا مەملەكەتىمىزگە قاجەت, ول ەلدىڭ دۇرىس باعىتتا دامۋىنا قۋاتتى سەرپىن بەرەدى دەپ ويلايمىن. مەن قازاقستان رەسپۋبليكاسىنىڭ ازاماتى رەتىندە ازاماتتىق بورىشىمدى وتەپ, ءوز ۇلەسىمدى قوسقىم كەلەدى! ەلىمىزگە قۋات پەن وركەندەۋ تىلەيمىن!», دەدى ەلنۇر.