پرەزيدەنت رەجەپ تايىپ ەردوعان مىرزاعا الداعى پرەزيدەنت جانە پارلامەنت سايلاۋىندا ساتتىلىك تىلەدى, دەپ حابارلايدى Egemen.kz.
«قيىن ساتتە حالىقارالىق قاۋىمداستىقتىڭ تۇرىك حالقىنا قولداۋ كورسەتۋى رەجەپ بەيدىڭ جوعارى بەدەلى مەن ەلىنە جاساپ جاتقان رياسىز قىزمەتىنىڭ ناتيجەسى دەپ سانايمىن. بيىل تۇركيا رەسپۋبليكاسىنا 100 جىل تولادى. بۇل – ۇلكەن تاريحي مەجە. تۇركيا قىسقا مەرزىم ىشىندە قۋاتتى, ىقپالدى مەملەكەتكە اينالدى. ونىڭ حالىقارالىق ىقپالى جانە بەدەلى, راسىندا, وتە كۇشتى. وسى جەردە رەجەپ تايىپ ەردوعاننىڭ ەڭبەگى جانە ۇلەسى ايقىن. ونى بۇكىل الەم مويىنداپ جاتىر», دەدى پرەزيدەنت.
بۇل رەتتە, پرەزيدەنت رەجەپ تايىپ ەردوعان مىرزاعا الداعى پرەزيدەنت جانە پارلامەنت سايلاۋىندا ساتتىلىك تىلەدى.
سونداي-اق مەملەكەت باسشىسى بارشا تۇركى جۇرتىن كەلە جاتقان ۇلىستىڭ ۇلى كۇنى – ناۋرىز مەرەكەسىمەن قۇتتىقتادى.
«بارشاڭىزدى كەلە جاتقان ۇلىستىڭ ۇلى كۇنى – ناۋرىز مەرەكەسىمەن قۇتتىقتايمىن! تۇتاس تۇركى جۇرتىنا ورتاق ءاز-ناۋرىز بارىمىزگە باق-بەرەكە اكەلسىن! سونىمەن قاتار ناۋرىزبەن تۇسپا-تۇس كەلەتىن ون ەكى ايدىڭ سۇلتانى – قاسيەتتى رامازاننىڭ باستالۋىنا وراي ىزگى تىلەكتەرىمدى قابىل الىڭىزدار», دەپ تىلەگىن ءبىلدىردى پرەزيدەنت.