كۇنى كەشە استانادا قازاقستاندىق اتاقتى ارالاس جەكپە-جەك شەبەرى شاۆكات راحمونوۆ (17-0) مادەنيەت جانە سپورت ءمينيسترى اسحات ورالوۆپەن كەزدەستى. كەزدەسۋ بارىسىندا سپورتشى UFC-دەگى سوڭعى جەڭىسىمەن قۇتتىقتاۋلار الدى, سونىمەن قاتار وعان قارجىلاي قولداۋ كورسەتىلەتىنى ايتىلدى, دەپ حابارلايدى Egemen.kz.
سپورت جانە مادەنيەت ءمينيسترى اسقار ورالوۆ شاۆكات راحمونوۆ كەلەسى جەكپە-جەكتەرگە دايىندىق ءۇشىن سپورتتى قولداۋ قورىنان قارجى الاتىنىن اتاپ ءوتتى.
ء«بىزدىڭ جاۋجۇرەك سپورتشىمىز UFC-ءدى باتىل قادامدارىمەن باعىندىرىپ, وتانداستارىنىڭ جۇرەگىنە ماقتانىش سەزىمىن سىيلاپ كەلەدى. مەن شاۆكاتتى جاقىندا امەريكالىق دجەفف نيلمەن بولعان جەكپە-جەكتە جەڭىسىمەن تاعى دا قۇتتىقتادىم جانە وعان العىس حات تابىستادىم. سونداي-اق ول كەلەسى جەكپە-جەكتەرگە دايىندالۋ ءۇشىن سپورتتى قولداۋ قورىنان قارجىلاندىرىلادى. شاۆكات بۇكىل الەمگە قازاقستاندى پاش ەتتى جانە وسى قادامى ءۇشىن ءبىز وعان ايرىقشا العىسىمىزدى جەتكىزەمىز. ونىڭ UFC چەمپيوندىق بەلبەۋىن جەڭىپ الۋىنا تىلەكتەسپىن, تولاعاي تابىس تىلەيمىن», دەدى مينيستر.
قازاقستان سپورتشىسى 13 ناۋرىزدا لاس-ۆەگاستا (اقش) وتكەن UFC 285 تۋرنيرىندە امەريكالىق دجەفف نيلگە قارسى جەكپە-جەكتەن كەيىن تۋعان جەرىنە كەلدى.
وزدەرىڭىز بىلەتىندەي, سپورتشىمىز ءۇشىنشى راۋندتىڭ سوڭىندا قارسىلاسىن تۇنشىقتىرىپ جەڭدى. وسىلايشا, ول ءوز مانسابىندا 17-ءشى رەت مەرزىمىنەن بۇرىن جەڭىسكە جەتتى.