«قازاقكونتسەرت» – كيەلى ماڭعىستاۋدا

ءدال وسى جوبا اياسىنداعى گاس­ترولدىك ساپار 13-18 ناۋرىز كۇندەرى كيەلى ماڭعىستاۋ وبلىسىندا باس­تالدى. جوبا اياسىنداعى ماڭعىستاۋ, اتىراۋ, باتىس قازاقستان, اقتوبە وبلىستارىنداعى ءىس-ساپار ءبىر ايعا سوزىلادى. اتالعان جوبانىڭ ماقساتى – ءوڭىر تۇرعىندارى ءۇشىن مادەني قۇندىلىقتاردىڭ قولجەتىمدىلىگىن قامتاماسىز ەتۋ, ونەر قايراتكەرلەرىنە قولداۋ كورسەتۋ جانە ۇلتتىق ونەردى دارىپتەۋ. جوسپارعا ساي ۇيىمنىڭ ارتىس­تەرى مەن شىعارماشىلىق ۇجىم­دارى ماڭعىستاۋ جۇرتشىلىعىنا ءتۇر­لى باعىتتاعى كونتسەرتتىك باعدار­لامالاردى ۇسىنادى.

ماڭعىستاۋ وبلىسى بويىنشا اق­­تاۋ, جاڭاوزەن قالالارى, مۇ­ناي­لى, بەي­نەۋ اۋداندارى, وتپانتاۋ تاريحي-مادەني كەشەنى جانە قارا­جانباس, قالامقاس كەنتتەرىندە, اتىراۋ وبلىسى بويىنشا اتىراۋ, قۇلسارى قالالارى, ماقات اۋدانىنىڭ دوسسور جانە ماقات كەنتتەرى, يساتاي اۋدا­نىنىڭ اققىستاۋ اۋىلى, قۇر­مانعازى اۋدانىنىڭ قۇرمانعازى اۋىلى, قى­زىلقوعا اۋدانىنىڭ ميالى اۋىلى جانە يندەر اۋدانىنىڭ ين­دەربور كەنتىندە, باتىس قازاقستان وبلىسى بويىنشا ورال, اقساي قا­لالارى مەن بايتەرەك, تاسقالا, جا­ڭاقالا, سىرىم اۋداندارىندا, اق­توبە وبلىسى بويىنشا حرومتاۋ قالاسى مەن قوبدا, قارعالى, مارتوك, مۇ­عال­جار اۋداندارىندا, قوستاناي وب­لىسىنىڭ ورتالىعى مەن رۋدنىي مو­نوقالاسىندا, سونىمەن قاتار بىر­­قاتار اۋدان مەن ەلدى مەكەننىڭ حال­قىنا «قازاقكونتسەرت» ۇجىمىنىڭ ارتىستەرى ءوز ونەرلەرىن پاش ەتەدى. بۇل جوبا بىلتىرعىداي وبلىستىق اكىم­دىكتەرمەن جانە جەرگىلىكتى ما­دەنيەت باسقارمالارىمەن بىرلەسىپ وتكىزىلەدى.

ماڭعىستاۋ وڭىرىندە جۇرگەن «قا­زاقكونتسەرت» ۇجىمى, ەڭ الدى­مەن, ون ەكى قۇلپىتاس ورتاسىنان قوس كۇمبەزى كوتەرىلىپ, التىنمەن اپ­تالعان وتپانتاۋ تاريحي-ما­دەني كەشەنىندە ارنايى كونتسەرتتىك باع­دارلاما ۇيىمداستىردى. كورەر­مەن­نىڭ قوشەمەتىنە بولەنگەن مەكەمە ارتىستەرى كورىسۋ مەرەكەسىنە وراي ءوڭىر تۇرعىندارىنىڭ الدىندا ءان شىر­قاپ, كۇي تارتىپ, كوتەرىڭكى كو­ڭىل كۇي سىيلادى. شىعارماشىلىق ۇجىم حالىق كومپوزيتورلارى اقان سە­­رىنىڭ, ىقىلاس دۇكەن ۇلىنىڭ, قا­زان­­عاپتىڭ, جاياۋ مۇسانىڭ, تاتتىم­بەتتىڭ, ناۋرىزبايدىڭ, ءشامشى قال­داياقوۆتىڭ, اسەت بەيسەۋوۆتىڭ جانە باسقا دا زاماناۋي اۆتورلاردىڭ اندەرى مەن كۇيلەرىن ورىندادى.

ء«بىز «ەل بىرلىگى – جاڭا قازاق­ستان» جوباسىن 2022 جىلى باستاعان بولاتىنبىز. بيىل دا وسى ءۇردىستى جال­عاستىرا وتىرىپ, كيەلى باتىس وڭى­رىنە گاسترولدىك ساپارمەن كەلىپ وتىر­مىز. پرەزيدەنت ق.توقاەۆ وڭىر­لەردەگى مادەنيەتتىڭ ساپا­سىن كوتەرىپ, كوركەيتۋ ءۇشىن ونىڭ قول­جە­تىمدىلىگىن قامتاماسىز ەتۋ ماسە­لە­سىن كوتەرگەن بولاتىن. وسىعان وراي اتالعان جوبانى قايتادان ۇيىم­داستىرۋدى قولعا الدىق», دەپ اتاپ ءوتتى روزا باعلانوۆا اتىنداعى «قازاقكونتسەرت» مەم­لەكەتتىك كونتسەرتتىك ۇيىمى ديرەك­­تورىنىڭ شىعارماشىلىق قىزمەت بو­­يىن­شا ورىنباسارى سەرىك نۇر­مولداەۆ.

مۇنايلى اۋدانىندا اقىن فاريزا وڭعارسىنوۆا اتىنداعى ورتالىق ما­دەنيەت ۇيىندە, قاراجانباس جانە قا­لامقاس كەن ورىندارىندا, بەينەۋ اۋدانىنىڭ تۇرعىندارى ءۇشىن ارنايى مادەني ءىس-شارالار كورەرمەن نازارىنا ۇسىنىلادى. سونداي-اق 15 ناۋرىز كۇنى اقتاۋ قالاسىندا گالا-كونتسەرت وتەدى.

كيەلى ماڭعىستاۋ جەرىنە «قا­زاق­كونتسەرتتىڭ» كوپتەگەن ءارتىسى بار­دى. اتاپ ايتاتىن بولساق, قازاق­ستان­نىڭ ەڭبەك سىڭىرگەن قايرات­كەر­لەرى جە­ڭىس ىسقاقوۆا, ايگۇل ەل­شى­­باە­ۆا, راۋشان ورازباەۆا, رەس­پۋب­­لي­كا­لىق بايقاۋلاردىڭ لاۋرەاتتارى دىنيسلامبەك جايلاۋباي, ءالي­­حان دۇي­سەنباي, «استانا سازى» قازاق مەم­لەكەتتىك فولكلورلىق ءان­سامبلى, «مەلومەن» جانە «T&Y» توبى بار. سونداي-اق «تuran» فول­كلور­لى-ەتنوگرافيالىق ءانسامبلى قۇ­رىل­عا­نىنا 15 جىل تولۋىنا وراي ارنايى مە­رەكەلىك كونتسەرت ۇسىنادى.

بۇدان بولەك الداعى وتەتىن اتى­راۋ, باتىس قازاقستان جانە اق­تو­بە وبلىستارىنداعى ءىس-شاراعا ق­ا­زاق­ستاننىڭ حالىق ءارتىسى ماق­پال ءجۇنىسوۆا, قازاقستاننىڭ ەڭ­بەك سىڭىرگەن ءارتىسى باعدات سامە­دي­نوۆا, قازاقستاننىڭ ەڭبەك سىڭىرگەن قاي­راتكەرلەرى ايجان نۇرما­عام­بە­توۆا, ايگۇل ەلشىباەۆا, مەدەت سا­لىقوۆ, كلارا تولەنباەۆا, سالتانات احمەتوۆا, نۇربولات ارزاماس, «ما­دەنيەت سالاسىنىڭ ۇزدىگى» پەريزات تۇراروۆا, «دارىن» مەملەكەتتىك جاس­تار سىيلىعىنىڭ لاۋرەاتى اسقار مۇقيات جانە الىبەك الماديەۆ, رەسپۋبليكالىق جانە حالىقارالىق بايقاۋلاردىڭ لاۋرەاتتارى رايىم ۋايس, دىنيسلامبەك جايلاۋباي, ەرنار سادىرباي (Amre), سالتانات مەڭدىعاليەۆا, سونداي-اق «استانا سازى» قازاق مەملەكەتتىك فولكلورلىق ءانسامبلىنىڭ ارتىستەرى ونەر كورسەتەدى.

ايتا كەتەيىك, «ەل بىرلىگى – جاڭا قازاقستان» جوباسى مادەنيەت جانە سپورت مينيسترلىگىنىڭ قولداۋىمەن كەزەڭ-كەزەڭمەن 2022-2025 جىلدار ارالىعىندا ىسكە اسىرىلادى. جوبا اياسىندا 2025 جىلعا دەيىن 28 اۋدان, 29 مونوقالا, 20 وبلىس ورتالىعىنىڭ تۇرعىندارى جوسپار بويىنشا قام­تىلاتىن بولادى.