ChatGPT چات-بوتى ەرەكشە تانىمالدىققا يە بولىپ, ءارتۇرلى سالادا قولدانىلا باستادى. ونىڭ مۇمكىندىكتەرى ءالى دە زەرتتەلۋدە, دەپ حابارلايدى Egemen.kz.
GPT الەمدەگى ەڭ مىقتى جاساندى ينتەللەكت. ويتكەنى ول 175 ميللياردتان استام پارامەتردى قامتي الادى. مىسالى, چات-بوت جازباشا ماتىندەردى اۋدارىپ, قورىتىندى شىعارادى. ءتىپتى ولەڭ جازۋعا قاۋقارى جەتەدى.
مايامي, دەيتون جانە گامبۋرگتەگى گەلمۋت شميدت ۋنيۆەرسيتەتىنىڭ زەرتتەۋشىلەرى جاقىندا chatgpt-ءتىڭ ءبىلىم بەرۋ, عىلىمي زەرتتەۋلەر جۇرگىزۋ, ستاتيستيكا پروتسەسىن باسقارۋ (SPC) سياقتى ءارتۇرلى سالالارداعى مۇمكىندىكتەرىنە زەرتتەۋ جۇرگىزدى. زەرتتەۋ ناتيجەسىندە, ونىڭ كوپ سالادا كومەك كورسەتە الاتىنىن انىقتاعان. الايدا ءبىر كەمشىلىگى جاساندى ينتەللەكت اقپاراتتاردى بەيرەسمي دەرەككوزدەردەن دە جينايتىندىقتان, ونىڭ بەرگەن جاۋاپتارى ارقاشان سەنىمدى بولا بەرمەۋى مۇمكىن.
ء«بىزدىڭ زەرتتەۋىمىز ChatGPT-ءتىڭ قازىرگى نۇسقاسى كودتى ءبىر تىلدەن ەكىنشى تىلگە اۋدارۋ جانە بەلگىلى ۇعىمداردى ءتۇسىندىرۋ سياقتى قۇرىلىمدىق تاپسىرمالاردى جاقسى ورىندايتىنىن كورسەتەدى. بىراق كودتى نولدەن جاساۋ سياقتى تاپسىرمالاردى ورىنداۋ قيىنعا سوعادى», دەدى زەرتتەۋشىلەر.