رەسەيدىڭ سۋ-27 جويعىش ۇشاعى قارا تەڭىزدىڭ ۇستىندە اقش اۋە كۇشتەرىنىڭ ۇشقىشسىز ۇشاعىمەن سوقتىعىستى. ناتيجەسىندە ۇشقىشسىز ۇشاق زاقىمداندى. بۇل تۋرالى اقش-تىڭ ەۋروپالىق قولباسشىلىعى (EUCOM) حابارلادى, دەپ جازادى Egemen.kz Euronews سايتىنا سىلتەمە جاساپ.
MQ-9 Reaper ۇشقىشسىز ۇشاعى قارا تەڭىز حالىقارالىق سۋلارى ۇستىندە ەكى سۋ-27 جويعىش ۇشاعىمەن قاتار ۇشقان, سول كەزدە رەسەيلىك ۇشاقتاردىڭ ءبىرى «ۇشقىشسىز ۇشاقتىڭ الدىنا ادەيى ۇشقان», سودان كەيىن يسترەبيتەلدەردىڭ ءبىرى ۇشقىشسىز ۇشاقتىڭ قۇيرىعىنا ورناتىلعان Reaper پروپەللەرىنە زاقىم كەلتىرگەن.
رەسەي قورعانىس مينيسترلىگى ۇشقىشسىز ۇشاق قارا تەڭىزگە ءوزىنىڭ مانەۆرى سالدارىنان قۇلادى, رەسەيلىك جويعىش ۇشاقتار ونىمەن بايلانىستا بولمادى دەپ مالىمدەدى.
«ساعات 09:30 شاماسىندا جىلدام مانەۆر جاساۋ ناتيجەسىندە MQ-9 ۇشقىشسىز ۇشاعى باقىلاۋدان ايىرىلىپ, سۋ بەتكەيىنە سوقتىعىستى. رەسەي جويعىشتارى بورت قارۋىن قولدانباعان, ولار ۇشقىشسىز ۇشاتىن اپپاراتپەن جاناسپاي, اەرودرومعا امان-ەسەن ورالدى», دەلىنگەن ۆەدومستۆونىڭ Telegram-ارناسىندا.