15 ناۋرىزدان باستاپ ەۋروپالىق كوميسسيا قازاقستاندىق بالىق كاسىپورىندارىن ءوز ونىمدەرىن ەۋروپالىق وداق ەلدەرىنە ەكسپورتتاۋعا قۇقىعى بار كومپانيالار تىزىمىنە ەنگىزۋ ءراسىمىن قايتا باستايدى, دەپ حابارلايدى Egemen.kz اشم ءباسپاسوز قىزمەتىنە سىلتەمە جاساپ.
قر اۋىل شارۋاشىلىعى مينيسترلىگىنە كازاقستاندىق ۆەتەريناريالىق باقىلاۋ جۇيەسىنە دەگەن سەنىمدى قالپىنا كەلتىرۋ تۋرالى ءتيىستى حات جولداندى.
وسىلايشا, ءوز ونىمدەرىن ەو-قا ەكسپورتتاۋعا قۇقىعى بار وتاندىق كاسىپورىنداردىڭ ءتىزىمى كەڭەيتىلەدى. بۇگىنگى تاڭدا تىزىمدە 17 قازاقستاندىق كومپانيا بار.
ايتا كەتەيىك, 2018 جىلى ەۋروپالىق كوميسسيا بالىق ونىمدەرىن وندىرەتىن كاسىپورىندارعا اۋديت جۇرگىزدى. اۋديت قورىتىندىسى بويىنشا 11 ۇسىنىس بەرىلدى, ونىڭ ىشىندە ەلدىڭ ۆەتەرينارلىق قىزمەتىن باقىلاۋ بويىنشا ۇسىنىس بار. كەيىن قازاقستاندىق تاراپ ۇسىنىمداردىڭ ورىندالۋى تۋرالى ەگجەي-تەگجەيلى ەسەپ جولدادى.
قازاقستانمەن قارىم-قاتىناستى ودان ءارى نىعايتۋ جانە ەو ەلدەرىنە ەكسپورتتالاتىن ونىمدەردىڭ ءتىزىمىن كەڭەيتۋ اياسىندا ەۋروپالىق كوميسسيا بولاشاقتا ەۋروپالىق نارىققا شىعارۋعا بولاتىن بال ءونىمى بويىنشا ساۋالناما جىبەردى.
ەستەرىڭىزگە سالا كەتەيىك, اۋىل شارۋاشىلىعى ءمينيسترى ەربول قاراشوكەەۆ بريۋسسەلگە ساپارى اياسىندا ەۋروپالىق كوميسسارلارمەن كەزدەسكەن ەدى. كەلىسسوزدەر بارىسىندا اشم باسشىسى قازاقستاننىڭ جوعارى ساپالى ورگانيكالىق ازىق-ت ۇلىك جەتكىزۋشىسى بولۋ مۇمكىندىگى تۋرالى حاباردار ەتتى. اتاپ ايتقاندا, ەۋرووداق ەلدەرىنە وتاندىق ەت, ءسۇت, قۇس جانە بالىق ونىمدەرىن ەكسپورتتاۋ تۋرالى ءسوز قوزعالدى.