قازاقستاننىڭ ءبىرىنشى, الەمنىڭ 10-راكەتكاسى ەلەنا رىباكينا اقش-تا ءوتىپ جاتقان ينديان-ۋەللس ماستەرس ءتۋرنيرىنىڭ ءۇشىنشى اينالىمىنا شىقتى, دەپ حابارلايدى Egemen.kz قتف-عا سىلتەمە جاساپ.
جارىستى ەكىنشى اينالىمنان باستاعان قازاقستاندىق تەننيسشى 2020 جىلعى اۋستراليا اشىق چەمپيوناتىنىڭ جەڭىمپازى, قازىرگى كەزدە رەيتينگتە 170-ورىندا تۇرعان امەريكالىق سوفيا كەنينمەن كەزدەستى.
رىباكينا تارتىستى باسەكەدە 7:6 (8:6), 7:6 (7:5) ەسەبىمەن جەڭىسكە جەتتى.
ەلەنا كەلەسى اينالىمدا يسپانيالىقتار, الەمنىڭ 22-راكەتكاسى پاۋلا بادوسا نەمەسە رەيتينگتە 88-ساتىدا تۇرعان نۋريا پارريزاس-دياستىڭ بىرەۋىمەن شەبەرلىك بايقاسادى.
ايتا كەتەيىك, جۇلدە قورى 8,8 ملن اقش دوللارىنا باعالانعان ينديان-ۋەللس WTA 1000 دوداسى 19 ناۋرىزعا دەيىن جالعاسادى.