سۋ تاسقىنى قاۋپى جاريالانعان ايماقتارعا اەروۆيزۋالدى بارلاۋ جۇرگىزىلدى

اۋەدەن بارلاۋ بارىسىندا دەركول, شاعان جانە شەجىن-2 وزەندەرى مەن باسسەيندەرىنىڭ جاي-كۇيى زەرتتەلدى, وزەندەر بويىندا ورنالاسقان ەلدى مەكەندەردىڭ اينالاسىنا مونيتورينگ جۇرگىزىلدى.

تج مينيسترلىگىنىڭ حابارلاۋىنشا, قازىرگى ۋاقىتتا تاسقالا اۋىلىنداعى دەركول وزەنىندەگى سۋ دەڭگەيى 520 سم, شەجىن-2 وزەنىنىڭ سۋ دەڭگەيى 761 سم. ەلدىمەكەندەرگە قاۋىپ جوق.

سونىمەن قاتار بۇگىنگى كۇنى ورال قالاسى, اقجايىق, ءبورلى, تاسقالا, تەرەكتى, شىڭعىرلاۋ, قاراتوبە, جاڭاقالا, كازتالوۆ, سىرىم جانە بايتەرەك اۋداندارىندا ەرىگەن قار سۋى سورىلدى. تاۋلىگىنە - 25863 م3 (بارلىعى 103 839 م3).

ورال قالاسى, تەرەكتى جانە سىرىم اۋداندارىندا قاردى شىعارۋ جۇمىستارى جۇرگىزىلدى. تاۋلىگىنە - 8338 قار (بارلىعى - 319915 م3 قار).  535 ويىق بۇرعىلاندى, 230 م2 مۇز كەسىلدى, 690 قۇم سالىنعان قاپ توسەلدى, 2,8 كم ارىقتار, 128 سۋ وتكىزگىش قۇبىرلار تازارتىلدى.