Shakarim University ستۋدەنتتەرى 40 باعىت بويىنشا قازاق جانە ورىس تىلدەرىندە لوكاليزاتسيالانعان كۋرستاردى تاڭداۋعا بىرەگەي مۇمكىندىك الدى, دەپ حابارلايدى Egemen.kz.
شاكارىم ۋنيۆەرسيتەتىنە Coursera كۋرستارىنا 1000 ليتسەنزيا بەرىلدى. 2 اپتانىڭ ىشىندە 400-دەن استام ءبىلىم الۋشى شەتەلدىك جوعارى وقۋ ورىندارىنىڭ كۋرستارىنان بەلسەندى ءوتىپ, سەرتيفيكات الىپ شىقتى.
مىسالى, زاميرا مۋرساليموۆا «جۋرناليستيكا» بب ستۋدەنتى كاليفورنيا ۋنيۆەرسيتەتىنىڭ ء«ححى عاسىرداعى جۇمىس ورنىنداعى بايلانىس» كۋرسىن ءساتتى اياقتادى. زاميرانىڭ ايتۋىنشا, Coursera كۋرسى ستۋدەنتتەرگە قىزمەت بابىندا دۇرىس قارىم-قاتىناس جاساۋدى ۇيرەتەدى.
وقۋ ورنىنىڭ ستۋدەنتتەرى يننوۆاتسيا, ستراتەگيالىق كوشباسشىلىق جانە مەنەدجمەنت, ينجەنەرلىك سالالارعا ارنالعان ماتەماتيكا, ماركەتينگ, لوگيكا جانە سىني ويلاۋ, Python باعدارلاماسى, مانساپتىق تابىسقا جەتۋ, مەحانيكا جانە ت.ب. باعىتتار بويىنشا ءوز بىلىمدەرىن جەتىلدىرۋدە. وقىتۋ بىرنەشە مودۋلدەردەن تۇرادى: تەستىلەۋ, ءدارىس جانە ەمتيحان.