الماتىدا قامقور ازاماتتاردىڭ باستاماشىل توبىنىڭ قاتىسۋىمەن ديماش قۇدايبەرگەننىڭ قابىرعا سۋرەتىن قايتا قالپىنا كەلتىرۋ جۇمىستارى باستالدى, دەپ جازادى Egemen.kz.
سوناۋ 2020 جىلى ديماشتىڭ جانكۇيەرلەرى ونىڭ قۇرمەتىنە الماتىدا قابىرعا سۋرەتىن – مۋرالىن سالعان ەدى. ونىڭ ورىنداۋشىسى - الماتىلىق سۋرەتشى باتىر سادۋاقاسوۆ.
«جوبا ۇلكەن قيىندىقپەن جاسالدى, ول رەسمي ورگاندارمەن كەلىسۋ مەن قارجىلىق قولداۋدى قاجەت ەتتى. بىزگە بوياۋعا, روليكتەرگە, مۇنارانى جالعا الۋعا, پروەكتورعا اقشا كەرەك بولدى. وسى كەزدە الماتىلىق كاسىپكەرلەردىڭ ءبىرى باستامانى قولداپ, الەمنىڭ 65 ەلىنە بەلگىلى قابىرعا سۋرەتىن جاساۋعا دەمەۋشىلىك جاسادى. ەڭ باستىسى, الماتى ديماشتىڭ سۋرەتى سالىنعان العاشقى قالا بولدى. وتكەن جىلدىڭ كۇزىندە اكىمدىك ۇيگە جوندەۋ جۇمىستارىن جۇرگىزدى, ونىڭ بارىسىندا قابىرعا جابىنى ايتارلىقتاي ب ۇلىنگەن», دەيدى قابىرعا سۋرەتىن جاساۋعا باستاماشى بولعانداردىڭ ءبىرى ەرلان يبراگيم.
قالالىقتاردىڭ باستاماشىل توبى قابىرعا سۋرەتىن قالپىنا كەلتىرۋگە قاراجات جيناپ, قالپىنا كەلتىرۋ جۇمىستارىن جۇرگىزۋگە قالا اكىمدىگىنىڭ كەلىسىمىن الدى.