دەنساۋلىقتان قىمبات بايلىق بولماس, ءسىرا. ءتان ساۋلىعىنىڭ قادىرىن باسى اۋىرىپ, بالتىرى سىزداعان جان بىلەدى. اسىرەسە وڭ-سولىن ءالى تاني قويماعان بالالار اۋىرماسىن دەڭىز.
اتىراۋ وبلىستىق بالالار اۋرۋحاناسى ءباسپاسوز قىزمەتىنىڭ اقپاراتىنا قاراعاندا, ومىرتقاداعى ج ۇلىننىڭ بۇلشىق ەت اتروفياسىن ەمدەۋگە نۋسينەرسەن (سپينرازا) پرەپاراتى قاجەت. بىراق ونىڭ بىرەۋى 42 ملن تەڭگە تۇرادى. وتكەن جىلدىڭ سوڭىندا اۋرۋحاناعا 126 ملن تەڭگەگە وسىنداي ءۇش پرەپارات ساتىپ الىنعان.
«ج ۇلىننىڭ بۇلشىق ەت اتروفياسى نەمەسە SMA – جۇلىننىڭ الدىڭعى مۇيىزدەرىندەگى موتورلى نەيروندارىنىڭ ۇدەمەلى دەگەنەراتسياسىنان تۋىنداعان گەنەتيكالىق گەتەروگەندى تۇقىم قۋالايتىن ءارى ەمدەلمەيتىن اۋرۋ. باسقاشا ايتقاندا, ادامنىڭ بۇلشىق ەتتەرى مۇلدەم جۇمىس ىستەمەي قالادى. ال نۋسينەرسەن (سپينرازا) پرەپاراتى وسىنداي سىرقاتقا شالدىققان بالالاردىڭ ءومىرىن ەداۋىر جەڭىلدەتەدى», دەپ حابارلادى اۋرۋحانانىڭ ءباسپاسوز قىزمەتى.
ال وڭىرلىك كوممۋنيكاتسيالار قىزمەتىنىڭ مالىمەتىنە سۇيەنسەك, بىلتىر «قازاقستان حالقىنا» قورى ارقىلى اتىراۋلىق ءتورت ناۋقاس قىمبات دارىمەن قامتاماسىز ەتىلگەن. وبلىستىق دەنساۋلىق باسقارماسىنىڭ ىقپالىمەن ءۇش ناۋقاس ءۇشىن ساتىپ الىنعان ءدارىنىڭ قۇنى 380 ملن تەڭگەنى قۇرايدى. ءبىر ناۋقاس «قازاقستان حالقىنا» قورىنا ءوزى جۇگىنگەن.
«وتكەن جىلدىڭ ءساۋىر ايىندا اتىراۋ وبلىسىنان «بەراردينەللي سەيپتىڭ جالپىلانعان ليپوديستروفياسى» دياگنوزىمەن ەكى بالا «مەترەلەپتين» دارىلىك زاتىمەن قامتىلدى. ءدارىنىڭ جالپى قۇنى – 201 ملن تەڭگە. ال قاراشا ايىندا «ديۋشەندى بۇلشىقەت ديستروفياسى» دياگنوزى قويىلعان 18 جاسقا تولماعان ناۋقاس 179 ملن تەڭگە تۇراتىن «كاسيمەرسەن» دارىلىك پرەپاراتىمەن قامتىلدى. اتىراۋ قالاسىنان «قازاقستان حالقىنا» قورىنا ءوزى كومەك الۋعا جۇگىنگەن ونكولوگيالىق ەسەپتە تۇرعان ناۋقاسقا «ريبوتسيكليب» ءدارىسى الىنىپ بەرىلگەن», دەپ ءمالىم ەتتى وڭىرلىك كوممۋنيكاتسيالار قىزمەتى.
اتىراۋ وبلىسى