ۇلتتىق ەكونوميكا ءمينيسترى الىبەك قۋانتىروۆ ايەلىنە گۇل سىيلايتىنىن ايتتى.
ء«داستۇر بويىنشا گۇل سىيلايمىن, قازىر ولار قانشا تۇراتىنىن بىلەسىزدەر», دەپ جاۋاپ بەردى قۋانتىروۆ ۇكىمەت كۋلۋارىندا جۋرناليستەردىڭ سۇراعىنا جاۋاپ بەرىپ.
سونىمەن قاتار جۋرناليستەر مينيستردەن ءبىر بۋما گۇل قانشا تۇراتىنىن سۇرادى.«گۇلدىڭ باعاسى ونىڭ تۇرىنە بايلانىستى بولادى. ماسەلەن, قىزعالداق ارزان, راۋشان قىمباتتاۋ. قازىر راۋشان گۇلدەرى شامامەن 2,5 مىڭ تەڭگە تۇرادى», دەپ جاۋاپ بەردى مينيستر.
سونداي-اق مينيستر بارشا قازاقستاندىق ايەلدەردى مەرەكەمەن قۇتتىقتادى.
«ايەل بويىندا مەيىرىمدىلىك, ادالدىق, ادەپتىلىك, وسى قاسيەتتەردى باعالايمىن. قۇرمەتتى ايەلدەر قاۋىمى, سىزدەردى كەلە جاتقان حالىقارالىق ايەلدەر كۇنىمەن قۇتتىقتايمىن. سىزدەرگە ساتتىلىك تىلەيمىن, باقىتتى بولىڭىزدار», دەپ قۇتتىقتادى مينيستر.
پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين دە ەرەكشەلەنبەي, جۇبايىنا گۇل سىيلاۋدى ۇيعارعان.
«گۇل سىيلايمىن دەپ ويلايمىن. سونداي-اق نازىك جاندى جۇبايىمدى مەيرامحاناعا شاقىرۋدى جوسپارلاپ وتىرمىن. بۇل ايەلدەر مەرەكەسى, جىل سايىن مىندەتتى تۇردە جۇبايىمدى, انامدى جانە اجەمدى قۇتتىقتاپ, گۇل بەرەمىن», دەپ ءبولىستى مينيستر.
سونىمەن قاتار ول سىيلىققا قانشا اقشا جۇمسايتىنىن دا ايتتى.
«شىنىمدى ايتسام, كوپ ەمەس, ناقتى باعانى ايتا المايمىن», دەپ جاۋاپ بەردى ول.
ايتا كەتەيىك, ىشكى ىستەر ءمينيسترى مارات احمەتجانوۆ تا ايەلىنە گۇل سىيلاۋدى جوسپارلاپ وتىرعانىن ايتقان ەدى.