قۇرىلىس ماتەريالدارى ءوندىرىسىنىڭ دەڭگەيى

Energyprom مالىمەتىنشە, ەلىمىزدەگى قۇرىلىس ماتەريالدارى ءوندىرىسىنىڭ كو­لە­مى العاش رەت نومينالدى ماندە تريل­ليون­دىق مەجەدەن اسىپ ءتۇستى. ناقتىراق اي­­تار بولساق, شىعارىلعان جالپى ءونىم­نىڭ باعاسى – 1,13 ترلن تەڭگە بولدى. 2021 جىلمەن سالىستىرعاندا 230,7 ملرد تەڭگەگە (نەمەسە 25,6 پايىزعا) ارتىق.

وتكەن جىلى كەرامي­كا­­لىق وتقا ءتو­زىم­دى ەمەس كىرپىش ءون­دىرىسى – 64,3 پا­يىزعا, سيليكات جانە شلاك كىرپىشتەرى – 18 پايىزعا, تسە­مەنت, بەتون نەمەسە تاس پليت­كالار 16,9 پايىزعا قىس­­قارعان. ال قۇ­رىلىس ەرى­تىن­دىسى – 25,1 پا­يىزعا, ارلەۋ تاسى – 7,8 پايىزعا, گيپس – 26,6 پايىزعا جانە ءارتۇرلى وتقا ءتوزىمدى قۇ­رى­لىس بۇ­يىم­دارىنىڭ ءون­دىرىسى 38 پايىزعا ارت­قان.

2022 جىلدىڭ قاڭتار-قارا­شاسىندا ىشكى نارىق­تا­عى وتاندىق ءوندىرىس ۇلەسى 66 پايىز بولعان دەپ باعا­لاي­دى QazIndustry يندۋستريا جانە ەكسپورت ورتالىعىنىڭ سا­راپ­شىلارى. بۇل 2021 جىل­دىڭ ۇقساس كەزەڭىمەن سا­لىس­تىرعاندا 8 پايىزدىق تار­ماققا (58 پايىز) جو­عا­رى. ۇيىم ماماندارى ەكىنشى جىل قاتارىنان ىشكى نا­رىق­تا­عى وتاندىق ون­دى­رۋ­شى­لەر سال­­ما­عى­نىڭ ارتىپ كەلە جات­­قانىن ايتادى.

2022 جىلى شەتەلدىك جەت­كىزۋشىلەر قازاقستانعا قۇ­رى­لىس ماتەريالدارىن جەت­كىزۋ كولەمىن ايتار­لىق­تاي, ناتۋرالدى ماندە 8 پا­يىز­عا دەيىن قىسقارتقان. اق­شا بويىنشا يمپورت كە­زەڭ­دى وڭ ناتي­جەمەن (3,6 پايىز) اياقتادى. بىراق بۇل سەك­تورداعى قىمباتشىلىق سال­دارىنان بولدى.

«يمپورتتى الماستىرۋ ءۇردىسىن سالا­دا­عى رەسۋرس تەپە-تەڭدىگى بويىنشا دا با­قىلاۋعا بولادى. 2022 جىلى قاڭتار-قاراشادا جەكە ءوندى­رىس ۇلەسى ارتقان, ال يمپورت قۇرىلىس ماتەريال­دا­رىنىڭ بىرنەشە ءتۇرى بويىنشا ازايعان. ماسەلەن, بىلتىر ىشكى نارىقتا ساتىلعان قۇ­راستىرمالى قۇرىلىس مەتالل كونسترۋكتسيالارىنىڭ 95,7 پايىزى – وتاندىق ءوندى­رىستىڭ ءونىمى. ءبىر جىل ىشىن­دە قازاقستاندىق كومپانيا ۇلەسى 14,8 پايىز­دىق تارماققا ارتقان. وتقا ءتوزىمدى تسەمەنتتى, ەرى­تىن­دى­لەر­دى جانە ۇقساس قوسپا­لار­دى ءوندىرۋ بويىنشا رەس­پۋب­ليكا زاۋىتتارىنىڭ ۇلەسى 86,6 پا­يىزدى (وتكەن كەزەڭ­مەن سالىستىرعاندا 12,3 پا­يىزدىق تارماققا كوبەي­گەن) قۇرايدى. دەگەنمەن كەراميكالىق تاقتا ءوندىرىسى از كولەمدە: 2022 جىلى جەر­گى­­لىك­تى ءوندىرىس ۇلەسى نەبارى 13,5 پايىز بولدى. بىراق سونىڭ ءوزى 2021 جىلمەن سا­لىس­­تىرعاندا (6,1 پايىز) ءبارىبىر جو­عا­رى», دەپ حابار­لاي­دى Energyprom ماماندارى.

ساراپشىلاردىڭ اي­تۋىن­­شا, نارىق­تى شيكى­زات قوس­­پاسىمەن, قو­سىل­عان قۇنى تومەن ونىم­­دەر­مەن قام­تا­ما­سىز ەتۋدە قا­زاقس­تان­دىق وندىرۋ­شى­لەر­دىڭ ءباسى جوعارى. ال شەتەلدىك جەتكىزۋشىلەر نەگى­زىنەن نارىققا سانتەحنيكا, ءتۇرلى كران­دار مەن ۆەنتيلدەر, جىلىتۋ رادياتور­لا­رىن جەتكىزۋ بويىنشا ال­دىڭ­عى قا­تاردا.

قۇرىلىس ماتەريال­دا­رى­نىڭ قىم­بات­تاۋى 2021 جىلى ماۋسىمدا باس­­تال­دى. 2022 جىلى ازداپ ار­زانداۋ باي­قال­دى, بىراق سون­شا­لىقتى قاتتى ەمەس. قۇ­رىلىس ماتەريالدارىنىڭ قىم­بات بولۋى تۇرعىن ءۇي باعاسىنا دا اسەرىن تيگىزدى. باس­پانانىڭ ءبىر شارشى مەت­رى­نە جۇم­سا­لا­تىن ورتاشا شىعىن مولشەرى بىلتىر 129,1 مىڭنان 148,7 مىڭ تەڭ­گە­گە ارتتى.