بەينەباقىلاۋ جۇيەلەرى جەكە گيگيەنا ورىندارىن قوسپاعاندا, كەلۋشىلەردىڭ ءجۇرۋ مارشرۋتتارى مەن رەجيمدىك كابينەتتەردى دە قامتيدى, دەپ حابارلايدى Egemen.kz باس پروكۋراتۋراسىنىڭ ءباسپاسوز قىزمەتىنە سىلتەمە جاساپ.
بيىل 27 اقپاندا باس پروكۋراتۋرانىڭ باستاماسىمەن قىلمىستىق قۋدالاۋ ورگاندارى پوليتسيانىڭ پەنيتەنتسيارلىق مەكەمەلەرى مەن قىزمەتتىك ءۇي-جايلارىندا, قۇقىق قورعاۋ ورگاندارىنىڭ بارلىق جەدەل-تەرگەۋ بولىمشەسىندە بەينەباقىلاۋ جۇيەcىنىڭ جۇمىس ىستەۋ قاعيداسىن بەكىتتى.
«بەينەباقىلاۋ جۇيەلەرى جەكە گيگيەنا ورىندارىن قوسپاعاندا, كەلۋشىلەردىڭ ءجۇرۋ مارشرۋتتارى مەن رەجيمدىك كابينەتتەردى دە قامتيدى. ناقتى ۋاقىت رەجيمىندە بەينەجازبالاردى قاشىقتان قاراۋعا جانە بۇزۋشىلىقتاردىڭ جولىن كەسۋ جونىندە جەدەل شارالار قابىلداۋعا قۇقىعى بار ادامداردىڭ تىزبەسى قالىپتاستىرىلدى. بۇل شارالار قازاقستان راتيفيكاتسيالاعان ازاپتاۋعا قارسى حالىقارالىق اكتىلەرگە ساي كەلەدى جانە تەرگەۋدىڭ رۇقسات ەتىلمەگەن ادىستەرىن بولدىرماۋعا باعىتتالعان», دەلىنگەن حابارلامادا.
ۆەدومستۆو مالىمەتىنشە, بەينەجازبالاردى ادۆوكاتتار, جابىرلەنۋشىلەر, كۇدىكتىلەر, ايىپتالۋشىلار, سوت جانە باسقا ورگاندار دالەل رەتىندە پايدالانا الادى.