قاتار استاناسى – دوحادا سپورتتىق گيمناستيكادان الەم كۋبوگىنىڭ ەكىنشى كەزەڭى ءوز مارەسىنە جەتتى.
الەمنىڭ ەڭ مىقتى سپورتشىلارى باس قوسقان جارىستا جەرلەسىمىز ناريمان قۇربانوۆ ات جاتتىعۋىندا جەڭىمپاز اتاندى. 2022 جىلى ازيا چەمپيوناتىنىڭ كۇمىس جۇلدەگەرى, 2019 جىلى ۋنيۆەرسيادانىڭ جەڭىمپازى بۇل سىندا ءوزىنىڭ The Kurbanov دەپ اتالاتىن ەلەمەنتىن ءساتتى ورىنداپ, 15,400 ۇپايمەن التىننان القا تاقتى. ەكىنشى ورىنعا بىلتىرعى الەم چەمپيونى يرلانديالىق ريس ماك كلەناگان تۇراقتاسا (15,033 ۇپاي), ۇزدىك ۇشتىكتى تايپەيلىك گيمناست شياو يۋ-يان تۇيىندەدى. وسى باعدارلامانىڭ فينالىندا ونەر كورسەتكەن تاعى ءبىر جەرلەسىمىز ءىلياس ازيزوۆ 14.100 ۇپايمەن 6-ساتىعا تابان تىرەدى.
ناريمان وسىدان ءبىر اپتا بۇرىن گەرمانيانىڭ كوتبۋس قالاسىندا وتكەن الەم كۋبوگىنىڭ العاشقى كەزەڭىندە ات باعدارلاماسىندا 14,800 ۇپاي جيناپ, قولا مەدالدى موينىنا ىلگەن بولاتىن.