قازاقستاندىق شاۆكات راحمونوۆ (16-0) لاس-ۆەگاستا (اقش) وتكەن UFC 285 ارالاس جەكپە-جەك باسەكەسىندە جەڭىسكە جەتتى, دەپ حابارلايدى Egemen.kz.
سپورتشى امەريكاندىق بەلگىلى فايتەر دجەفف نيلمەن (15-4) باق سىناستى. ناتيجەسىندە ءۇشىنشى راۋندتا ونى تۇنشىقتىرۋ ادىسىمەن جەڭدى.
ەسكەرەتىن ءجايت جەكپە-جەك الدىندا دجەفف نيل UFC ورتا سالماقتاعى رەيتينگىندە شاۆكات راحمونوۆتان الدا تۇردى. رەيتينگتە امەريكاندىق سپورتشى جەتىنشى ورىنعا جايعاسسا, قازاقستاندىق ونىنشى ورىنعا تۇراقتاعان ەدى.
وسىلايشا شاۆكات راحمونوۆ كاسىپقوي ماڭسابىنداعى ون جەتىنشى جەڭىسىنە قول جەتكىزدى. ازىرگە جاۋىرىنى جەر يىسكەمەدى.
ال دجەفف نيل بەسىنشى مارتە قارسىلاستارىنا ەسە جىبەردى.