سينوپتيكتەر 3 ناۋرىزعا ارنالعان اۋا رايى بولجامىن ۇسىندى, دەپ حابارلايدى Egemen.kz.
«قازاقستاننىڭ باسىم بولىگىندە اۋا رايىن اتلانتيكالىق تسيكلون اڭىقتايتىن بولادى, سوعان بايلانىستى جاۋىن-شاشىن (جاڭبىر, قار) جاۋادى, ەلىمىزدىڭ وڭتۇستىگىندە جاڭبىر, كەي ۋاقىتتا قاتتى جاڭبىر جاۋادى. تەك ەلىمىزدىڭ باتىسىندا جاۋىن-شاشىنسىز اۋا رايى ساقتالادى», دەلىنگەن حابارلامادا.
رەسپۋبليكا بويىنشا جەل كۇشەيىپ, ەلىمىزدىڭ سولتۇستىگىندە, باتىسىندا, شىعىسىندا, ورتالىعىندا جاياۋ بۇرقاسىن, كوكتايعاق, ەلىمىزدىڭ وڭتۇستىگىندە, باتىسىندا, ورتالىعىندا تۇمان, تۇركىستان وبلىسىنىڭ تاۋلى اۋداندارىندا نايزاعاي بولادى.
استانادا كوشپەلى بۇلت شىعادى, ازداپ قار جاۋادى, بوران سوعادى. اۋا تەمپەراتۋراسى تۇندە جانە كۇندىز 6-8 گرادۋس اياز بولادى.
الماتىدا كوشپەلى بۇلت شىعادى, كۇن جاۋىن-شاشىنسىز بولادى دەپ بولجانادى. تەرمومەترلەر تۇندە 2-4, كۇندىز 14-16 گرادۋس ايازدى كورسەتەدى.
شىمكەنتتە كوشپەلى بۇلت شىعادى, كۇندىز جاڭبىر جاۋادى. اۋا تەمپەراتۋراسى تۇندە 4-6, كۇندىز 15-17 گرادۋس نولدەن جوعارى بولادى.