يليانىڭ التىنى

سپورتتى دامىتۋ ديرەكتسياسىنىڭ ءباس­پاسوز قىزمەتى تاراتقان مالىمەت بويىنشا, ەل قورجىنىنا العاشقى التىندى شاڭعىمەن تۇعىردان سەكىرۋ سپورتىنىڭ وكىلى يليا ميزەرنىح سالدى. ك-40 (60 مەتر بيىكتەن) ساناتىنداعى ترامپليننەن سەكىرۋدە 239,3 ۇپاي جيناعان وتانداسىمىز قارسىلاستارىنان وق بويى ۇزاپ, تۇعىردىڭ ەڭ بيىك ساتىسىنا كوتەرىلدى. سونىمەن قاتار ءدال وسى ساناتتا جارىس جولىنا شىققان تاعى ءبىر جەرلەسىمىز يليا شيلنيكوۆ اتتاسىنان 12 ۇپاي از جيناپ, 227,3 ۇپايمەن كۇمىس مەدالدى موينىندا جارقىراتتى. قولا مەدال قيىر شىعىس فەدەرالدى ايماعىنان كەلگەن دميتري سەرەگينگە بۇيىردى.

قىزدار اراسىنداعى سايىستا وتان­داسىمىز سوفيا شيشكينا ۇزدىك ۇش­تىك­تىڭ قاتارىنان كورىنىپ, قولا مە­دالگە قول جەتكىزدى. بۇل سايىس­تا ورال فەدەرالدى ايماعىنىڭ سپورتشىسى توپ جارسا, بەلارۋس وكىلى ەۆا بە­دريتس­كاياعا كۇمىس جۇلدە بۇيىردى. ءبىر ايتا كەتەرلىگى, وسىدان ءتورت جىل بۇرىن, ياعني 2019 جىلى وڭتۇستىك ساحاليندە وتكەن العاشقى «ازيا بالالارى» ويىن­دارىندا سوفيانىڭ اپكەسى ۆەرونيكا شيشكينا شاڭعىمەن تۇعىر­دان سەكىرۋدە جۇلدىزى جانعان ەدى. وسىلايشا, ءتورت جىلدا ءبىر وتباسىنىڭ ەكى وكىلى بيىك تۇعىردان كورىنىپ وتىر.

يليا ميزەرنىح پەن قولا جۇلدەگەر سوفيا شيشكينا اقپان ايىنىڭ باسىندا الاتاۋ باۋرايىندا وتكەن IV قىسقى جاستار سپورت ويىندارىندا ك-60 ترام­پلينىندە جەڭىسكە جەتكەن ەدى. ال اليونا سۆەريدەنكو (شقو) قولا جۇلدەنى قورجىنعا سالعان.

سونداي-اق «ازيا بالالارى» ءىى قىسقى ويىن­دارىنا قاتىسىپ جاتقان شورت-ترەك­شىلەرىمىز دە جاراپ تۇر. مۇز ۇستىندە وي­قاستاعان جەرلەستەرىمىز ءتورت جۇلدە جەڭىپ الدى. ەرلەر اراسىنداعى جەكەلەي سىندا مەيىرجان تولەگەن 1 500 مەترگە جۇگىرۋدە مارە سىزىعىن ەكىنشى كەسسە, ماليكا جول­تابار ءدال وسى قاشىقتىقتاعى قىزدار سايىسىندا قولا جۇلدەنى قاناعات تۇتتى.

ال ەستافەتا سايىسىندا (3 مىڭ مەتر­گە) قۇ­را­­مىندا ءالى­بي الىم­گە­رەەۆ, ما­ديار ما­­­دي­حوۆ, ەر­اسىل شىڭ­­عىسحان مەن مەيىر­جان تو­­لەگەن سىن­­دى ەلى­­مىزدىڭ ەڭ ۇزدىك شورت-ترەكشىلەرى بار قا­زاقستاننىڭ ەرلەر قۇراماسى كۇمىسپەن كۇپتەلسە, نۇريا الپىسباي, ايزادا ال­تىنبەك, ايسارا لابيب پەن ماليكا جول­تاباردان قۇرالعان قىزدارىمىز 3 مىڭ مەترگە جۇگىرۋدە ءۇشىنشى بولدى.

قازاقستان دەلەگاتسياسى جالپىكو­مان­دالىق ەسەپتە 1 التىن, 3 كۇمىس, 3 قولا­مەن 7-ورىنعا جايعاستى. ماسكەۋ قالا­سىنىڭ سپورتشىلارى (9 التىن, 2 كۇمىس, 4 قو­لا) ءبىرىنشى ورىندا كەلە جاتسا, كەيىنگى ساتىلارعا ورال (3 التىن, 4 كۇمىس, 3 قولا) مەن قيىر شىعىس فەدەرالدى ايماعى (3 ال­تىن, 2 كۇمىس, 3 قولا) ورنالاسقان.