كاسىپكەر ايەلدەرگە قولداۋ كورسەتۋ تەتىكتەرى تالقىلاندى

ايەلدەر كاسىپكەرلىگىنىڭ دامۋىندا باستى ءرولدى مەملەكەتتىك باعدارلامالار, قوعامدىق ۇيىمدار مەن ءىرى  بيزنەس-كومپانيالار اتقارادى. 

ستاتيستيكا ەكونوميكاداعى شوب-تىڭ, ءوزىن جۇمىسپەن قامتىعاندار سانىنىڭ, شاعىن جانە ورتا بيزنەستىڭ جۇمىس ىستەپ جاتقان جانە قايتا تىركەلگەن سۋبەكتىلەرى سانىنىڭ ءوسۋ ۇلەسىن راستاپ وتىر. وسىلايشا, قر ۇلتتىق ەكونوميكا مينيسترلىگىنىڭ مالىمەتتەرى بويىنشا رەسپۋبليكانىڭ ءىجو-دەگى شوب ۇلەسىنىڭ ءوسىمى سوڭعى جىلدا 16 پايىزدىق پۋنكتتى قۇراپ, 2022 جىلى 33,5%-عا جەتكەن. جۇمىسپەن قامتىلعاندار سانى 35%-عا ارتىپ, 3,5 ملن ادامدى قۇرادى, ولاردىڭ 31%-ى نەمەسە 1 ميلليونىن ايەل ادامدار قۇرايدى. جۇمىس ىستەپ جاتقان شوب كاسىپورىندار سانى 2012 جىلدان باستاپ 44%-عا ارتىپ, 1,4 ملن ادامنان اسقان. ايەل ادامدار شاعىن جانە ورتا كاسىپكەرلىكتىڭ 43,5% سۋبەكتىسىنە باسشىلىق ەتىپ وتىر.     «ايەلدەر كاسىپكەرلىگى تاقىرىبىن كوپتەگەن الاڭدار قوزعاعانىنا, ءارى بۇگىنگى كونفەرەنتسيا جانە قازاقستاننىڭ اۋىل ايەلدەرى فورۋمى سەكىلدى ءىس-شارالاردىڭ وتكىزىلۋىنە ايتارلىقتاي دەڭگەيدە كومەكتەسكەنىنە اسا قۋانىشتىمىز. ۇكىمەتتىڭ, قوعامنىڭ جانە جەكەمەنشىك سەكتوردىڭ باستامالارىن بىرىكتىرە وتىرىپ, ايەلدەردىڭ ەكونوميكالىق مۇمكىندىكتەرىن ىنتالاندىرۋ, قامتاماسىز ەتۋ جانە كەڭەيتۋ جوبالارى جالعاسىن تابۋى ءتيىس», دەدى كونفەرەنتسيا مودەراتورى جانە قازاقستاننىڭ اۋىل ايەلدەرى فورۋمىن ۇيىمداستىرۋ كوميتەتىنىڭ ءتورايىمى مايرا ايسينا.    ۇلتتىق ەكونوميكا, ەڭبەك جانە حالىقتى الەۋمەتتىك قورعاۋ, اۋىل شارۋاشىلىعى مينيسترلىكتەرىنىڭ وكىلدەرى اۋىل ادامدارىنىڭ ءومىر ءسۇرۋ ساپاسىن جانە ولاردىڭ تابىس دەڭگەيىن ارتتىرۋعا ءتيىستى جاعداي جاساۋعا ارنالعان مەملەكەتتىك قولداۋ كورسەتۋ شارالارى تۋرالى وزەكتى مالىمەتتەرىمەن ءبولىستى. قولداۋ كورسەتۋدىڭ نەگىزگى قۇرالدارى – پايىزدىق مولشەرلەمەنى سۋبسيديالاۋ, كاسىپكەرلەردىڭ نەسيەلەرىنە كەپىلدىك بەرۋ جانە مەملەكەتتىك گرانتتار بەرۋ, سونىمەن قاتار رەتتەۋشىلىك ساياساتتى ودان ءارى جەتىلدىرۋ.   «ايەلدەر كاسىپكەرلىگىنىڭ ءوسۋى مەملەكەت تاراپىنان قولداۋ كورسەتۋشى شارالارمەن ءارى قوعامدىق ۇيىمدار مەن بيزنەستىڭ بەلسەندى رولىمەن تىعىز بايلانىستى», دەدى «الەۋمەتتىك ديناميكا» قوعامدىق قورىنىڭ ديرەكتورى جانە «بەلەستەر» ايەلدەر كاسىپكەرلىگىن دامىتۋ الەۋمەتتىك جوباسىنىڭ ۇيىمداستىرۋشىسى ەلەنا وجگو.    قازاقستاندا بيزنەسكە ايەلدەردىڭ قاتىسۋى دامىپ جاتقانىنا قاراماستان, ايەلدەر بيزنەس باستاۋدا دا, ونى باسقارۋدا دا, اسىرەسە باستاپقى كەزەڭدەردە كوپتەگەن قيىندىقتارعا تاپ بولادى. باسقاسىمەن قاتار, بۇل قارجىلاندىرۋدىڭ جەتىسپەۋشىلىگىمەن, سونىمەن قاتار اۋىلدى جەرلەردە قاجەتتى داعدىلار مەن اقپاراتتىڭ جەتىسپەۋشىلىگىنەن بولىپ وتىر. بۇگىنگى كونفەرەنتسيانى ۇيىمداستىرۋشىلاردىڭ پىكىرىنشە, اتالمىش پروبلەمالاردى شەشۋدىڭ جولى – ساپالى نەتۆوركينگ, ياعني بيزنەستى ۇيىمداستىرۋدا قول جەتكىزۋدىڭ قاراپايىمدىلىعى, ءوز جوبالارىن قارجىلاندىرۋعا مۇمكىندىك الۋ.   «قازاقستاندا جەكە بيزنەس پەن ۇكىمەتتىك ەمەس ۇيىمدار تاراپىنان ايەلدەر كاسىپكەرلىگىن قولداۋ بويىنشا كەمىندە بەس ءىرى جوبا بار. ولاردىڭ ىشىندەگى ەڭ ۇزاق مەرزىمدىسى - «بەلەستەر» جوباسى 10 جىل ىشىندە كاسىپكەرلىك كۋرستارىندا ەلىمىزدىڭ قالالارى مەن اۋىلدارىندا 62 مىڭنان استام ايەلدى دايىندادى. جوبا اياسىندا بيزنەستى دامىتۋعا 117 شاعىن گرانت بەرىلدى. 2023 جىلى تاعى 20 گرانت بەرۋ جانە كەمىندە 15 مىڭ ايەلدى وقىتۋ جوسپارلانىپ وتىر. وقىتۋ ەرلەر ءۇشىن دە قولجەتىمدى, بىراق گرانتتار كونكۋرسىنا تەك ايەلدەر عانا قاتىسا الادى», دەدى قازاقستانداعى «بەلەستەر» جوباسىن قارجىلاندىراتىن حالىقارالىق قايىرىمدىلىق قورىنىڭ وكىلى الەكساندرا اككيرمان.