اقپان ايىنىڭ قورىتىندىسى بويىنشا, تەڭگە باعامى 1 اقش دوللارى ءۇشىن 445,66 تەڭگەگە دەيىن 3,2% نىعايدى. قازاقستان قور بيرجاسىنداعى ساۋدا-ساتتىقتىڭ ءبىر كۇندەگى ورتاشا كولەمى ءبىر ايدا 103-تەن 130 ملن اقش دوللارىنا دەيىن ۇلعايدى, دەپ حابارلايدى Egemen.kz.
ۇلتتىق بانك وكىلدەرى تاراتقان اقپاراتقا سۇيەنسەك, ساۋدا-ساتتىقتىڭ جالپى كولەمى 2,6 ملرد اقش دوللارىنا تەڭ بولدى. ءبىر اي ىشىندە ۆاليۋتا نارىعى سۇرانىس پەن ۇسىنىس تۇرعىسىنان تەڭگەرىمدى بولىپ, ايىرباستاۋ باعامى نارىق تالاپتارىنا ساي قالىپتاستى.
«باعامنىڭ نىعايۋى «سالىق كەزەڭى» فاكتورىمەن جانە شەتەلدىك ينۆەستورلاردىڭ قر مەملەكەتتىك باعالى قاعازدارعا كىرۋىمەن دە بايلانىستى بولدى», دەدى ۇلتتىق بانك وكىلدەرى.