بۇگىن تالدىقورعان قالاسىنا كىرە بەرىستە Toyota 4Runner اۆتوكولىگىنىڭ قاتىسۋىمەن جول-كولىك وقيعاسى بولدى, دەپ حابارلايدى Egemen.kz.
- جول اپاتىنان 4 ادام زارداپ شەكتى, ولاردىڭ اراسىندا جاس نارەستە جانە قارت ايەل بار. زارداپ شەككەندەر اۋرۋحاناعا مەديتسينالىق تەكسەرۋگە جەتكىزىلدى, - دەلىنگەن Polisia.kz تاراتقان اقپاراتتا.
بەلگىلى بولعانداي, الماتى وبلىسىنىڭ 48 جاستاعى تۇرعىنى اۆتوكولىكتى باسقارا الماي, كولىك اۋدارىلعان.
وقيعا ورنىندا جول كولىك وقيعاسىنىڭ ءمان-جايىن انىقتاۋ ءۇشىن پاترۋلدىك پوليتسيا قىزمەتكەرلەرى ءجۇر.