تۇركيانىڭ شىعىس ايماعىندا ماگنيتۋداسى 5,2 بولاتىن تاعى ءبىر جەر سىلكىنىسى بولدى, دەپ حابارلايدى Egemen.kz.
ەۋروپا-جەرورتا تەڭىزى سەيسمولوگيالىق ورتالىعىنىڭ سايتىندا جاريالانعان اقپاراتقا سايكەس, جەر استى دۇمپۋلەرى جەرگىلىكتى ۋاقىت بويىنشا تاڭعى ساعات 9-دا تىركەلگەن. جەر سىلكىنىسىنىڭ وشاعى 5 شاقىرىم تەرەڭدىكتە بولدى.
سەيسمولوگتار جەر سىلكىنىسىنىڭ كۇشىن 5,2 بالل دەپ باعالادى. جاڭا جەر سىلكىنىسىنەن زارداپ شەككەندەر تۋرالى ازىرگە اقپارات جوق.
بۇگىن تۇركيادان بولەك قىتاي مەن قىرعىزستان شەكاراسىندا دا ەكى رەت جەر سىلكىندى. جەراستى دۇمپۋلەرى تاجىكستاندا سەزىلدى.