دۇنيەجۇزىلىك ازاماتتىق قورعانىس كۇنى شەڭبەرىندە 2023 جىلعى 1 ناۋرىزدا ساعات 9.00-دەن 12.00-گە دەيىن ازاماتتىق قورعاۋدىڭ قۇلاقتاندىرۋ جۇيەسىنە رەسپۋبليكالىق تەكسەرۋ جۇرگىزىلەدى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
1 ناۋرىز دۇنيەجۇزىلىك ازاماتتىق قورعانىس كۇنى اياسىندا ساعات 09:00-دەن 12:00-گە دەيىن ازاماتتىق قورعاۋدىڭ ەسكەرتۋ جۇيەسىنە رەسپۋبليكالىق تەكسەرۋ جۇرگىزۋ جوسپارلانىپ وتىر.
«توتەنشە جاعدايلار تۋرالى حالىقتى قۇلاقتاندىرۋ جانە حاباردار ەتۋ تۇرعىنداردى تابيعي قۇبىلىستاردىڭ ءارتۇرلى فاكتورلارىنىڭ اسەرىنەن بولاتىن اپاتتىڭ نەمەسە جويقىن اسەردىڭ تەرىس سالدارىنان قورعاۋعا مۇمكىندىك بەرەتىن نەگىزگى قاۋىپسىزدىك شاراسى سانالادى.
قۇلاقتاندىرۋ جۇيەسىن تەكسەرۋ بارىسىندا ەلەكتر سيرەنالارىن جانە سيرەنالىق-سويلەۋ قۇرىلعىلارىن (داۋىس زورايتقىشتاردى) قىسقا مەرزىمگە قوسۋ, سونداي-اق تەلەديدار جانە راديوارنالارىنىڭ ەفيرىن ۇستاپ الۋدى جۇزەگە اسىرۋ, ينتەرنەت-رەسۋرستار مەن ءموبيلدى قوسىمشالاردا اقپاراتتى ورنالاستىرۋ كوزدەلەدى», دەلىنگەن حابارلامادا.
«بارشانىڭ نازارىنا!» دىبىستىق سيگنالى - بۇل قاۋىپ تونگەن نەمەسە توتەنشە جاعداي تۋىنداعان كەزدە بارلىق شۇعىل حابارلامالاردى بەرۋدىڭ الدىندا حالىقتىڭ نازارىن اۋدارۋ ءۇشىن بەرىلەتىن ەسكەرتۋ سيگنالى.
دىبىستىق سيگنالدى ەستىگەن كەزدە تەلەديدارلار مەن راديوقابىلداعىشتاردى قوسۋ كەرەك, ينتەرنەت-رەسۋرستارداعى جانە ءموبيلدى قوسىمشالارداعى اقپاراتتى وقىپ شىعۋ قاجەت.
سونىمەن قاتار قاۋىپتى وندىرىستىك وبەكتىلەر مەن گيدروتەحنيكالىق قۇرىلىستارداعى جەرگىلىكتى قۇلاقتاندىرۋ جۇيەلەرىنىڭ جارامدىلىعى تەكسەرىلەتىن بولادى.