تاياۋدا “تەحرەتتەۋ 2012: بەك اۋماعىندا ءبىرتۇتاس تەحنيكالىق مولشەرلەۋ جانە مويىنداۋ” حالىقارالىق كونفەرەنتسياسى شەڭبەرىندە “ەۋرازيالىق ەكونوميكالىق قاۋىمداستىق جانە ءبىرتۇتاس ەكونوميكالىق كەڭىستىكتە تەحنيكالىق رەتتەۋدىڭ ءبىرتۇتاس جۇيەسى” سەكتسياسىنىڭ وتىرىسى ءوتتى.
وتىرىسقا قاتىسۋشىلار ەكونوميكالىق ينتەگراتسيا ۇدەرىسىندە تەحنيكالىق مولشەرلەۋ بارعان سايىن ۇلتتىق دەڭگەيدەن جوعارىلاپ بارا جاتقاندىعىنا تۇسىنىستىك ءبىلدىرىپ, ساپالى ءونىم مەن قاۋىپسىز تۇتىنۋدى قامتاماسىز ەتۋ, ساۋداداعى كەدەرگىلەردى جويۋعا ىقپال جاسايتىن سانيتارلىق, فيتوسانيتارلىق شارالاردى جانە تەحنيكالىق رەتتەۋ اۋماعىنداعى ءبىرتۇتاس قۇقىقتىق نورماتيۆتىك بازانى قۇرۋداعى ماسەلەلەردى تالقىعا سالدى. كەدەن وداعىنىڭ نورماتيۆتىك اكتىلەرى ۇلتتىق دەڭگەيدەن جوعارى سيپات الىپ, ۇلتتىق زاڭنامالار حالىقارالىق تالاپتارعا سايكەس كەلتىرىلۋى ءتيىس. حالىقارالىق كەلىسىممەن قايشىلىق تۋىنداعان كەزدە, وتاندىق زاڭنامالارعا ءتيىستى وزگەرىستەر ەنگىزىلەتىن بولادى. بۇل ەۋرازەق شەڭبەرىندەگى تەحنيكالىق رەتتەۋ ۇدەرىسىنە دە قاتىستى. ماسەلەن, ناقتى ءبىر ونىمگە حالىقارالىق كەلىسىم تۇرىندە ەۋرازەق تەحنيكالىق رەگلامەنتى قابىلدانسا, وندا سونداي ونىمگە ازىرلەنگەن قازاقستاندىق تەحرەگلامەنتتەن باس تارتىپ, ەۋرازەق جانە كەدەن وداعى قۇجاتتارىنا باسا نازار اۋدارۋ قاجەت. ەگەر قازاقستاندا ناقتى ءبىر ونىمگە تەحنيكالىق رەگلامەنت بولعان جاعدايدا, ياكي وتاندىق ءونىم وندىرۋشىلەردىڭ وڭ قورىتىندىسى بولسا, وندا ءبىز رەتتەۋ ءۇشىن قازاقستاندىق قۇجاتتى نەگىز رەتىندە ۇسىنامىز جانە كەلىسسوزدەر كەزىندە قازاقستان ۇستانىمىن ۇستانامىز. ەگەر قازاقستاندا قانداي دا ءبىر ونىمگە ونداي قۇجات بولماسا, بىراق ول رەسەي نەمەسە بەلورۋسسيادا قابىلدانىپ قويىلسا, وندا بەلارۋس نەمەسە رەسەيدىڭ قولدانىستاعى تەحنيكالىق رەگلامەنتى نەگىزگە الىنادى, ويتكەنى, بۇل قۇجاتتار تاجىريبە جۇزىندە تەكسەرىلگەن. ارينە, بۇل جەردە دە وتاندىق ءونىم وندىرۋشىلەردىڭ وڭ قورىتىندىسى قاجەت, دەپ سانايدى عابيت مۇحامبەتوۆ.
قورىتىندىسىندا حاتتاماعا قول قويىلىپ, وندا كو, ەۋرازەق جانە قر تەحنيكالىق رەگلامەنتتەرىن ازىرلەۋ جونىندەگى جوسپارلاردى قايتالاۋدى بولدىرماۋ, سونداي-اق تەحنيكالىق رەگلامەنتتەردى ازىرلەۋدى ۇيلەستىرۋدە ۆەدومستۆوارالىق جانە تەحنيكالىق رەتتەۋ سالاسىنداعى مەملەكەتتىك ساياساتتى جۇزەگە اسىرۋدا ترمك ءرولىن كۇشەيتۋ قاجەتتىگى كورىنىس تاپتى.
اسقار تۇراپباي ۇلى.