استانا. 23 ماۋسىم. پرەزيدەنت نۇرسۇلتان نازارباەۆ اقتوبە وبلىسىنا جاساعان ءىس-ساپارى بارىسىندا وڭىردەگى بىرقاتار ءوندىرىس ورىندارى مەن الەۋمەتتىك نىسانداردىڭ جۇمىسىمەن تانىستى. بۇل تۋرالى akorda.kz حابارلادى.
تاراتا ايتار بولساق, مەملەكەت باسشىسى «قازحروم» ترانسۇلتتىق كومپانياسى» اكتسيونەرلىك قوعامىنىڭ جاڭا فەرروقورىتپا زاۋىتىنا ات باسىن بۇردى. زاۋىتتىڭ جۇمىسىن كورۋ كەزىندە پرەزيدەنتكە فەرروقورىتپا ءوندىرىسىن اشۋ جوباسى تۋرالى باياندالدى. سودان كەيىن نۇرسۇلتان نازارباەۆ تەتىكتى باسۋ ارقىلى زاۋىتتىڭ ءبىرىنشى بالقىتۋ پەشىن ىسكە قوستى.
جاڭا زاۋىتتىڭ ارقاسىندا ەلىمىزدىڭ جوعارى كومىرتەكتى فەرروحروم شىعارۋ بويىنشا ەكسپورتتىق الەۋەتى 16 پايىزعا وسەدى دەپ كۇتىلۋدە.
سونداي-اق, پرەزيدەنت كاسىپورىن جۇمىسشىلارىمەن اڭگىمەلەستى. ولار مەملەكەت تاراپىنان وزدەرىنە كورسەتىلىپ وتىرعان قولداۋ ءۇشىن ريزاشىلىقتارىن ءبىلدىردى.
«قازحروم» ترانسۇلتتىق كومپانياسى» اكتسيونەرلىك قوعامىنا قاراستى فەرروقورىتپا زاۋىتىنىڭ جوبالىق قۋاتى جىلىنا 440 مىڭ توننا جوعارىكومىرتەكتى فەرروحروم وندىرۋگە جەتەدى. كاسىپورىندا 500-گە تارتا جۇمىس ورنى بار.
بۇدان كەيىن مەملەكەت باسشىسى اقتوبە قالاسىنداعى «دوستىق» سۋ سپورتى تۇرلەرى ورتالىعىنا باردى. ول مۇنداعى جاتتىعۋ زالىن جانە باسسەيندى كوردى.
2013 جىلى جەلتوقساندا ەل يگىلىگىنە بەرىلگەن «دوستىق» سۋ سپورتى تۇرلەرى ورتالىعى سپورتتىق جانە سينحروندى جۇزۋدەن, سۋ دوبىنان حالىقارالىق جارىستار وتكىزۋگە ارنالعان.
سونداي-اق, پرەزيدەنت اقتوبە قالاسىنداعى ««ءدارۋ» كلينيكاسى» مەديتسينالىق وڭالتۋ ورتالىعىندا بولدى. مەملەكەت باسشىسى ەمحانا جۇمىسىمەن تانىسا ءجۇرىپ, اتالعان مەديتسينالىق ورتالىقتىڭ ۇجىمى وكىلدەرىمەن, وبلىستىڭ دەنساۋلىق ساقتاۋ سالاسى ارداگەرلەرىمەن جانە وسىندا ەم قابىلداپ جاتقان ازاماتتارمەن جۇزدەستى.
نۇرسۇلتان نازارباەۆ: «قاراجات ءبولىنىپ, مەديتسينالىق نىساندار قۇرىلىسى ءجۇرىپ جاتىر, جاڭا جابدىقتار ساتىپ الىنۋدا. بىراق ەڭ باستىسى – دارىگەرلەردىڭ جوعارى بىلىكتىلىگى, قازىر سىزدەر ءۇشىن وقۋعا, سونىڭ ىشىندە شەتەلدە تاعىلىمدامادان وتۋگە بارلىق مۇمكىندىك بار. بۇكىل جۇمىستىڭ كوزدەگەن ناتيجەسى – ادامداردىڭ ءومىر جاسىن ۇزارتۋ, انا مەن بالا ءولىمىن ازايتۋ», – دەدى.
«ءدارۋ» كلينيكاسى» مەديتسينالىق وڭالتۋ ورتالىعى 2013 جىلى «بيزنەستىڭ جول كارتاسى-2020» باعدارلاماسى اياسىندا قولدانىسقا بەرىلگەن.
بۇدان بولەك, پرەزيدەنت جاڭاجول گاز وڭدەۋ زاۋىتىنىڭ قۇرىلىسىن جۇزەگە اسىرۋ جونىندەگى «سنپس «اقتوبەمۇنايگاز» اكتسيونەرلىك قوعامىنىڭ جۇمىسىمەن تانىستى.
مەملەكەت باسشىسىنا جاڭاجول كەنىشىنەن باس ديرەكتوردىڭ ورىنباسارى تاحتاليفۋم ەسەنعۇلوۆ ءۇشىنشى جاڭاجول گاز وڭدەۋ زاۋىتى قۇرىلىسىنىڭ 2-ءشى كەزەڭى اياقتالعانىن ونلاين رەجىمىندە باياندادى.
ونىمدىلىگى جىلىنا 6 ميلليارد تەكشە مەتردى قۇرايتىن زاۋىتتىڭ العاشقى كەزەگى 2007 جىلى قاتارعا قوسىلعان بولاتىن, ەندى بۇگىن قۇرىلىستىڭ ەكىنشى كەزەگى اياقتالىپ وتىر, ال زاۋىتتىڭ ءۇشىنشى كەزەگىن ىسكە قوسۋ 2014 جىلدىڭ سوڭىنا بەلگىلەنگەن.
جولدىباي بازار.
دەرەككوز: akorda.kz.
فوتو: kursiv.kz.