كەزدەسۋگە قاتىسۋشىلار بالىق شارۋاشىلىعى سالاسىنداعى شيكىزاتتى وڭدەۋ, وڭدەۋ ونەركاسىبىندەگى قوسىلعان قۇن سالىعى مولشەرلەمەسى, ەڭبەكاقى تولەۋ قورىنان مولشەرلەمەلەرى مەن ەلەكتر ەنەرگەتيكاسى جانە گاز سالاسىنداعى تاريفتەردى بەلگىلەۋ ماسەلەلەرىن تالقىلادى, دەپ حابارلايدى Egemen.kz.
مينيستر اتاپ وتكەندەي, بۇل ماسەلەلەر مۇقيات زەردەلەنەتىن بولادى. سالىق ساياساتىن جەتىلدىرۋ بويىنشا ۇەم قازىرگى ۋاقىتتا جاڭا سالىق كودەكسىن ازىرلەۋدە. سالىقتىق اكىمشىلەندىرۋدى تۇبەگەيلى وڭايلاتۋعا جانە تسيفرلاندىرۋعا ەرەكشە كوڭىل بولىنەتىن بولادى. كەشەندى جۇمىس جۇرتشىلىقپەن بىرلەسىپ, ساراپشىلار مەن بيزنەس-قوعامداستىق وكىلدەرىنىڭ قاتىسۋىمەن جۇرگىزىلىپ جاتىر.
سونداي-اق كاسىپكەرلەر يندۋستريالىق ايماقتى ودان ءارى دامىتۋعا جانە ينفراقۇرىلىمدى جۇرگىزۋگە جاردەمدەسۋدى سۇرادى. بۇدان بولەك قولجەتىمدى تۇرعىن ءۇي قۇرىلىسىن قارجىلاندىرۋ, جسق-عا (جوبالاۋ-سمەتالىق قۇجاتتاما) تۇزەتۋلەر ەنگىزۋ, كەراميكا ءوندىرىسىن كەڭەيتۋ ءۇشىن جەڭىلدەتىلگەن نەسيەلەۋ, كاسىپكەرلىكتى تەكسەرۋگە ارنالعان موراتوري بويىنشا ماسەلەلەر كوتەرىلدى.
«بيزنەستى جۇرگىزۋ ءۇشىن جاعدايدى جاقسارتۋ بويىنشا جۇيەلى شارالار قابىلدانىپ جاتىر. ەسكىرگەن جانە نەگىزسىز نورماتيۆتىك تالاپتاردى قىسقارتۋ, مەملەكەتتىك باقىلاۋ جانە قاداعالاۋدىڭ بارلىق سالالارىندا تاۋەكەلدەردى باسقارۋ جۇيەلەرىن اۆتوماتتاندىرۋ بويىنشا جۇمىس جۇرگىزىلۋدە. سونىمەن قاتار 2024 جىلدان باستاپ «تازا پاراقتان» رەتتەۋدى تولىققاندى ىسكە قوسۋ پىسىقتالىپ جاتىر», دەدى ءا.قۋانتىروۆ.
ول كوتەرىلگەن بارلىق ماسەلەلەر مەن ايتىلعان ۇسىنىستار بويىنشا مينيسترلىكتىڭ ۇستانىمىن جەتكىزىپ, ۇەم-نىڭ قۇزىرەتىنە كىرمەيتىن ماسەلەلەر ءتيىستى مەملەكەتتىك ورگاندارعا جولداناتىنىن ايتتى.