2023 جىلعى 1 اقپانداعى جاعداي بويىنشا 67,1 مىڭ وتباسىنداعى 350,4 مىڭ ادامعا اتاۋلى الەۋمەتتىك كومەك تاعايىندالدى. بيىل وسى ماقساتتارعا بيۋدجەتتەن 73,9 ملرد تەڭگە ءبولىندى, دەپ حابارلايدى Egemen.kz.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
«وسى جىلدىڭ 1 قاڭتارىنان باستاپ از قامتىلعان وتباسىلاردان شىققان مەكتەپ جاسىنا دەيىنگى بالالارعا بەرىلەتىن كەپىلدەندىرىلگەن الەۋمەتتىك توپتاما كومەكتىڭ تابيعي نىسانىنان, مونەتيزاتسيالاۋ فورماتىنا, قوسىمشا تولەم تۇرىنە 1 جاستان 6 جاسقا دەيىنگى بالالاردى قوسا العاندا 1,5 اەك مولشەرىنە اۋىستىرىلدى.
اعىمداعى جىلدىڭ 1 اقپانداعى جاعداي بويىنشا ااك الۋشىلار قاتارىنداعى 1 جاستان 6 جاسقا دەيىنگى بالالاردى قوسا العاندا – 106,4 مىڭ بالالارعا قوسىمشا تولەم تاعايىندالدى», دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى ءباسپاسوز قىزمەتىنىڭ حابارلاماسىندا.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا, اۋىل وكرۋگىنىڭ اكىمىنە سونداي-اق egov.kz ەلەكتروندىق ۇكىمەت پورتالى ارقىلى بەرە الادى.