مەملەكەت باسشىسى «QazaqGaz» ۇك» اق باسقارما توراعاسى سانجار جاركەشوۆتى قابىلدادى, دەپ حابارلايدى Egemen.kz اقورداعا سىلتەمە جاساپ.
سانجار جاركەشوۆ ۇلتتىق كومپانيانىڭ 2022 جىلى اتقارعان جۇمىستارىنىڭ قورىتىندىسى, الداعى كەزەڭگە ارنالعان جوسپارى مەن گاز سالاسى ستراتەگياسىن دامىتۋ تۋرالى ەسەپ بەردى. سونداي-اق گاز سالاسىنداعى رەفورمالاردى جۇزەگە اسىرۋ جونىندەگى ۇسىنىستارىن جەتكىزدى.
سونىمەن قاتار حالىقتى تابيعي گازبەن ۇزدىكسىز قامتاماسىز ەتۋ ءۇشىن قابىلدانىپ جاتقان شارالار تۋرالى باياندادى.
قازاقستاندا 2022-2023 جىلدارداعى جىلىتۋ ماۋسىمىندا بۇرىن-سوڭدى بولماعان كوپ مولشەردە گاز پايدالانىلعانىن حابارلادى.
قاشاعان كەن ورنىنداعى گاز وڭدەۋ زاۋىتى قۇرىلىسىنىڭ بارىسى تۋرالى مالىمەت بەردى. «QazaqGaz» كومپانياسى الماتىداعى جىلۋ ەلەكتر ورتالىعىنا گاز قۇبىرىن تارتۋ, بەينەۋ – جاڭاوزەن گاز قۇبىرىنىڭ ەكىنشى جەلىسىن سالۋ, ماقات – سولتۇستىك كاۆكاز گاز قۇبىرىن كەڭەيتۋ جانە باسقا دا ماڭىزدى ينۆەستيتسيالىق جوبالاردى جۇزەگە اسىرىپ جاتىر.
ۇلتتىق كومپانيانىڭ رەسۋرس بازاسىن ۇلعايتۋ جانە گەولوگيالىق بارلاۋ باعدارلاماسىن جۇزەگە اسىرۋ ءۇشىن جۇرگىزىپ جاتقان بەلسەندى جۇمىسى تۋرالى باياندادى.
شىعىنداردى وڭتايلاندىرۋ ناتيجەسىندە بىلتىر ۇلتتىق كومپانيانىڭ قارىزى 26 پايىزعا ازايعانىن ايتتى.
پرەزيدەنت گاز سالاسىنىڭ ينۆەستيتسيالىق تارتىمدىلىعىن ارتتىرۋ ءۇشىن رەفورمانى جالعاستىرۋدى تاپسىردى.