ەكىباستۇز قالاسىنىڭ پوليتسەيلەرى م.ءجۇسىپ كوشەسىنىڭ بويىندا ورنالاسقان قۇرىلىس الاڭىندا زاڭسىز جۇمىس ىستەپ جۇرگەن وزبەكستان رەسپۋبليكاسىنىڭ ءۇش ازاماتىن انىقتادى, دەپ حابارلايدى Egemen.kz Polisia.kz سايتىنا سىلتەمە جاساپ.
ەر ادامدار قازاقستان رەسپۋبليكاسىنىڭ كوشى-قون سالاسىنداعى زاڭناماسىن بۇزا وتىرىپ, جەرگىلىكتى اتقارۋشى ورگانداردىڭ رۇقساتىنسىز ەلىمىزدە جۇمىس ىستەپ جۇرگەن.
«شەتەلدىك ازاماتتارعا قاتىستى قر اقبتك-ءنىڭ 517-بابىنىڭ 5-بولىگى بويىنشا, سونداي-اق قازاقستان رەسپۋبليكاسى ازاماتىنىڭ 54 جاستاعى جۇمىس بەرۋشىسىنە جەرگىلىكتى اتقارۋشى ورگاننىڭ رۇقساتىنسىز شەتەلدىك جۇمىس كۇشىن تارتۋ بويىنشا اكىمشىلىك ءىس قوزعالدى. ءىس جۇزىندە قر اقبتك-ءنىڭ 519-بابىنىڭ 1-بولىگى بويىنشا اكىمشىلىك ءىس قوزعالىپ, 51 750 تەڭگە كولەمىندە اكىمشىلىك ايىپپۇل سالىندى», دەدى پوليتسيا باستىعىنىڭ ءبىرىنشى ورىنباسارى تولەگەن قۇدايبەرگەنوۆ.
رەيدتىك شارا 28 اقپانعا دەيىن جالعاساتىن «ميگرانتتىق» جەدەل-پروفيلاكتيكالىق ءىس-شاراسى اياسىندا وتكىزىلدى.