قازاقستان مەن جاپونيا اراسىنداعى كەڭەيتىلگەن ستراتەگيالىق ارىپتەستىكتى ودان ءارى نىعايتۋ ماسەلەلەرى قر سىرتقى ىستەر ءمينيسترىنىڭ ورىنباسارى قانات تۋمىشتىڭ جاپونيا ەلشىسى دجۋن يامادامەن كەزدەسۋى بارىسىندا تالقىلاندى, دەپ حابارلايدى Egemen.kz.
تاراپتار ەكى ەل اراسىنداعى ديپلوماتيالىق قارىم-قاتىناستاردىڭ نەگىزگى جەتىستىكتەرىن اتاپ ءوتىپ, كەلەشەكتەگى پەرسپەكتيۆالارىنا توقتالدى.
قازاقستاندىق ديپلومات استانا مەن توكيو اراسىنداعى جوعارعى جانە جوعارى دەڭگەيدەگى ساياسي ديالوگتى ودان ءارى نىعايتۋدىڭ ماڭىزدىلىعى تۋرالى مالىمدەدى.
ەكى ەل قورشاعان ورتانى قورعاۋ, كولىك جانە لوگيستيكا, تسيفرلاندىرۋ جانە وزگە دە سالالارداعى ىنتىماقتاستىقتى دامىتۋعا مۇددەلى.
2022 جىلى ەلدەر اراسىنداعى تاۋار اينالىمىنىڭ ءوسۋى قاناعاتتانارلىق دەڭگەيدە جۇرگىزىلگەن.