ەلباسى قابىلدادى

مەملەكەت باسشىسى نۇرسۇلتان نازارباەۆ قحر قورعانىس ءمينيسترى ليان گۋانلەنى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ كەزىندە ەكىجاقتى ىنتىماقتاستىق ماسەلەسى تالقىلاندى. – قازاقستان مەن قحر قورعانىس ۆەدومستۆو­لارى­نىڭ بۇدان بىلايعى ىنتىماقتاستىعى ءما­سەلەسىن جانە ءبىزدىڭ ەلدەردىڭ كۇش قۇرىلىمدارى اراسىنداعى دوستىق بايلانىستاردى نىعايتۋدى تالقىلادىق. ءبىز نۇرسۇلتان نازارباەۆقا قازاقستان مەن قىتاي اراسىنداعى ستراتەگيالىق قارىم-قاتىناستاردى دامىتۋعا ەرەكشە كوڭىل بولگەنى ءۇشىن رازىمىز, – دەدى ليان گۋانلە.

*  *  *

مەملەكەت باسشىسى نۇرسۇلتان نازارباەۆ “ەني” كونتسەرنىنىڭ باس اتقارۋشى ديرەكتورى پاولو سكارونيدى قابىلدادى, دەپ حابارلادى قا­­زاقستان رەسپۋبليكاسى پرەزيدەنتىنىڭ ءباسپاسوز قىزمەتى. پ.سكاروني پرەزيدەنتتى قازاقستانداعى كون­تسەرن­نىڭ اعىمداعى قىزمەتى مەن جۇمىس جوسپارلارى تۋرالى حاباردار ەتتى. اڭگىمەلەسۋ بارىسىندا “ەني” قازاقستاننىڭ مۇ­ناي-گاز سالاسىنداعى ءىرى ينۆەستورلاردىڭ ءبىرى بولىپ تابىلاتىنى اتاپ ءوتىلدى. – ءبىز قاراشىعاناق جانە قاشاعان جوبالارىنا قاتىستى كەيبىر جۇمىس جايتتەرىن, سونداي-اق قا­زاق­ستان پرەزيدەنتى نۇرسۇلتان نازارباەۆ پەن يتا­ليا پرەمەر-ءمينيسترى سيلۆيو بەرلۋسكونيدىڭ قا­تى­سۋىمەن 2009 جىلعى قاراشادا ريمدە قول قوي­ىل­عان ءوزارا تۇسىنىستىك تۋرالى مەموراندۋمنىڭ بار­لىق پوزيتسياسىن تالقىلادىق. بۇل قۇجات “ەني” مەن قازاقستان اراسىنداعى ىنتىماقتاستىق ءۇشىن, ءبا­رىنەن بۇرىن, گاز جوبالارىنا, مۇناي وڭدەۋ, مۇ­ناي-گاز ءوندىرىسىنىڭ وزگە سالالارىنا جاڭا كوك­جيەك­تەر اشادى, – دەدى پ.سكاروني جۋرناليستەرگە ارنالعان بريفينگتە.