ەرتەڭ اۋا رايى قانداي بولادى؟

«قازگيدرومەت» رمك اتلانتيكالىق تسيكلوننىڭ اسەرىنەن ەلىمىزدىڭ باسىم بولىگىندە تۇراقسىز اۋا رايى بولاتىنىن حابارلادى. 

سينوپتيكتەردىڭ بولجاۋىنشا, ەلدىڭ باسىم بولىگىندە جاڭبىر مەن قار جاۋادى, تەك باتىستا, وڭتۇستىكتە, وڭتۇستىك-شىعىستا جاۋىن-شاشىنسىز اۋا رايى ساقتالادى. سونداي-اق كوكتايعاق, تۇمان, نايزاعاي, بۇرقاسىنمەن جەلدىڭ كۇشەيۋى كۇتىلەدى.

استانادا – كوشپەلى بۇلت شىعادى, تۇندە ازداپ قار جاۋادى, بۇرقاسىن بولادى. جەل وڭتۇستىك-باتىستان 9-14, كۇندىز ەكپىنى 15-20 م/س. اۋا تەمپەراتۋراسى تۇندە جانە كۇندىز -7-9°س, كۇندىز ودان ءارى تومەندەيدى.

الماتىدا – كوشپەلى بۇلت شىعادى, جاۋىن-شاشىنسىز. جەل 0-5 م/س. اۋا تەمپەراتۋراسى تۇندە +2+4°س, كۇندىز +13+15°س.

شىمكەنتتە – كوشپەلى بۇلتتى, تاڭەرتەڭ جانە كۇندىز جاڭبىر جاۋادى. وڭتۇستىك-باتىستان سوعاتىن جەل سولتۇستىك-باتىسقا اۋىسادى 8-13, تاڭەرتەڭ جانە كۇندىز ەكپىنى 15-20 م/س. اۋا تەمپەراتۋراسى تۇندە +6+8°س, كۇندىز +14+16°س.